વૈશ્વિક આર્થિક અનિશ્ચિતતાઓને કારણે વર્તમાન નાણાકીય વર્ષ ૨૦૨૫ના ઓક્ટોબર-ડિસેમ્બર ક્વાર્ટરમાં ભારતમાં વિદેશી પ્રત્યક્ષ રોકાણ વાર્ષિક ધોરણે ૫.૬ ટકા ઘટીને ૧૦.૯ અબજ ડોલર થયું છે તેમ સરકારી ડેટામાંથી જાણવા મળ્યું છે. ઓક્ટોબર-ડિસેમ્બર, ૨૦૨૩-૨૪ દરમિયાન એફડીઆઇ ઈન્ફલો ૧૧.૫૫ અબજ ડોલર રહ્યો હતો.
ભારતમાં પ્રત્યક્ષ વિદેશી રોકાણ (FDI) ચાલુ નાણાકીય વર્ષ 2024-25 દરમિયાન નોંધપાત્ર વૃદ્ધિ નોંધાઈ છે. ડિપાર્ટમેન્ટ ફોર પ્રમોશન ઓફ ઇન્ડસ્ટ્રી એન્ડ ઇન્ટરનલ ટ્રેડ (DPIIT) ના તાજેતરના આંકડા મુજબ:
FDI વૃદ્ધિ – મુખ્ય આંકડા:
જુલાઈ-સપ્ટેમ્બર 2024:
FDI ઇન્ફ્લો 43% વધીને $13.6 અબજ
એપ્રિલ-જૂન 2024:
FDI ઇન્ફ્લો 47.8% વધીને $16.17 અબજ
એપ્રિલ-ડિસેમ્બર 2024-25:
કુલ FDI 27% વૃદ્ધિ સાથે $40.67 અબજ
2023-24ના સમાન સમયગાળામાં આ આંકડો $32 અબજ હતો
ઇક્વિટી ઈન્ફલો, ફરીથી રોકાણ કરેલી કમાણી અને અન્ય મૂડીનો સમાવેશ કરતા કુલ એફડીઆઈ વર્તમાન નાણાં વર્ષના પ્રથમ નવ મહિનામાં ૨૧.૩ ટકા વધીને ૬૨.૪૮ અબજ ડોલર થયું છે. એપ્રિલ-ડિસેમ્બર ૨૦૨૩-૨૪માં કુલ એફડીઆઈ ૫૧.૫ અબજ ડોલર હતું.
એપ્રિલ-ડિસેમ્બર ૨૦૨૪-૨૫ દરમિયાન, સિંગાપોર (૭.૪૪ અબજ ડોલરની સામે ૧૨ અબજ ડોલર), અમેરિકા (૨.૮૩ અબજ ડોલરની સામે ૩.૭૩ અબજ ડોલર), નેધરલેન્ડ્સ (૨.૨૭ અબજ ડોલરની સામે ૪ અબજ ડોલર), યુએઈ (૨.૪૩ અબજ ડોલરની સામે ૪.૧૪ અબજ ડોલર), કેમેન ટાપુઓ (૨૧.૫ કરોડ ડોલરની સામે સામે ૨૯.૬ કરોડ ડોલર) અને સાયપ્રસ (૭૯.૬ કરોડ ડોલર સામે ૧.૧૮ અબજ ડોલર) સહિતના ટોચના દેશોમાંથી એફડીઆઈ ઇક્વિટી પ્રવાહ વધ્યો છે. જોકે સામે પક્ષે મોરેશિયસ, જાપાન, યુકે અને જર્મનીમાંથી ઈન્ફલો ઘટયો છે.
સેક્ટર પ્રમાણે જોઈએ તો સર્વિસિસ, કમ્પ્યુટર સોફ્ટવેર અને હાર્ડવેર, ટ્રેડ, ટેલિકોમ્યુનિકેશન, ઓટોમોબાઇલ અને કેમિકલમાં એફડીઆઈ ઈન્ફલો વધ્યો છે. વર્ષના પ્રથમ નવ મહિના દરમિયાન સર્વિસ સેક્ટરમાં એફડીઆઈ વધીને ૭.૨૨ અબજ ડોલર થયું છે, જે ગત વર્ષના સમાન સમયગાળામાં ૫.૧૮ અબજ ડોલર હતું.
ડેટા અનુસાર એપ્રિલ-ડિસેમ્બર, ૨૦૨૪-૨૫ દરમિયાન મહારાષ્ટ્રમાં સૌથી વધુ ૧૬.૬૫ અબજ ડોલરનો ઈન્ફલો આવ્યો હતો. ત્યારબાદ કર્ણાટક (૪.૫ અબજ ડોલર) અને ગુજરાત (લગભગ ૫.૫૬ અબજ ડોલર) સાથે વિદેશી રોકાણ આકર્ષવામાં અગ્રેસર રહ્યાં હતા.
