ટેક્સી સર્વિસ સેક્ટરમાં એક મહત્વપૂર્ણ બદલાવ લાવવાના ઉદ્દેશ સાથે સરકારી-સહકારી મોડેલ આધારિત ‘ભારત ટેક્સી’ એપનો આજે એટલે કે 5 ફેબ્રુઆરી (ગુરુવાર)ના રોજ ભવ્ય શુભારંભ થવા જઈ રહ્યો છે. કેન્દ્ર સરકારના સમર્થન સાથે શરૂ થતી આ નવી રાઈડ-હેલિંગ સર્વિસ લોકો માટે વધુ સુલભ અને ઓછા ખર્ચે મુસાફરી ઉપલબ્ધ કરાવવાનો પ્રયાસ કરશે. સાથે જ આ પહેલ ઉબર અને ઓલા જેવી ખાનગી કંપનીઓ માટે સ્પર્ધા ઉભી કરશે તેવી સંભાવના છે.
અમિત શાહ કરશે લોન્ચ
ગૃહ અને સહકારિતા મંત્રી અમિત શાહ આજે નવી દિલ્હીમાં ‘ભારત ટેક્સી’ એપનું સત્તાવાર લોન્ચિંગ કરશે. સોશિયલ મીડિયા પ્લેટફોર્મ X પર પોસ્ટ શેર કરીને તેમણે જણાવ્યું હતું કે સહકારી ક્ષેત્રની પ્રથમ ટેક્સી સર્વિસ તરીકે ‘ભારત ટેક્સી’નો પ્રારંભ થવા જઈ રહ્યો છે. તેમણે જણાવ્યું કે સહયોગ અને સહકારના માધ્યમથી લોકો નાની મૂડી સાથે મોટી શરૂઆત કરી શકે છે અને ભારત ટેક્સી તેનો ઉત્તમ ઉદાહરણ છે.
सहकारिता से बहुत सारे लोग मिलकर छोटी-छोटी पूँजी लगाकर कैसे बड़ी शुरुआत कर सकते हैं, ‘भारत टैक्सी’ इसका उदाहरण है।
आज का दिन टैक्सी चालक बहनों-भाइयों के लिए बहुत ही अहम है। उनके द्वारा शुरू की गई सहकारी क्षेत्र की पहली टैक्सी सर्विस ‘भारत टैक्सी’ का नई दिल्ली में शुभारंभ होगा।…
— Amit Shah (@AmitShah) February 5, 2026
ડ્રાઈવરો માટે નવા અવસર
અમિત શાહે જણાવ્યું કે આ પહેલ ખાસ કરીને ટેક્સી ડ્રાઈવરો માટે મહત્વપૂર્ણ સાબિત થશે. ભારત ટેક્સી મોડેલમાં ડ્રાઈવર માત્ર સેવા આપનાર નહીં રહે, પરંતુ સહકારી માળખા હેઠળ પ્લેટફોર્મના ભાગીદાર અને માલિક તરીકે જોડાઈ શકશે. સરકારના દાવા મુજબ, આ મોડેલ ડ્રાઈવરોને વધુ આવક અને સન્માન સાથે કામ કરવાની તક આપશે.
ખાનગી કંપનીઓને ટક્કર આપવાનો પ્રયાસ
રાઈડ-હેલિંગ માર્કેટમાં હાલમાં ઉબર અને ઓલા જેવી ખાનગી કંપનીઓનો દબદબો છે. ‘ભારત ટેક્સી’ એપનું લક્ષ્ય ડ્રાઈવરોને વધુ ન્યાયસંગત આવક મોડેલ આપવાનું છે, જેથી તેઓને ઊંચી કમિશન ફી અથવા ખાનગી કંપનીઓના શોષણથી રાહત મળી શકે. ઓછા ભાડા અને સહકારી વ્યવસ્થાને કારણે ગ્રાહકો માટે પણ આ સેવા આકર્ષક બની શકે છે.
સરકારનું સમર્થન, પરંતુ સીધી પહેલ નહીં
જોકે, નોંધનીય છે કે ‘ભારત ટેક્સી’ સીધી રીતે ભારત સરકાર દ્વારા ચલાવવામાં આવતી સેવા નથી. આ એપનું સંચાલન ‘ટેક્સી કોઑપરેટિવ લિમિટેડ’ દ્વારા કરવામાં આવશે, જ્યારે કેન્દ્ર સરકાર તેને નીતિગત અને માળખાકીય સમર્થન આપી રહી છે.
વિશેષજ્ઞોનું માનવું છે કે સહકારી મોડેલ આધારિત રાઈડ-હેલિંગ પ્લેટફોર્મ સફળ થાય તો ટેક્સી સર્વિસ ઉદ્યોગમાં નવી સ્પર્ધા ઊભી થઈ શકે છે. ડ્રાઈવર-કેન્દ્રિત માળખું અને ઓછા ખર્ચવાળી સેવા લાંબા ગાળે બજારમાં મહત્વપૂર્ણ પરિવર્તન લાવી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
