દિલ્હીના લાલ કિલ્લા નજીક થયેલા બૉમ્બ બ્લાસ્ટ બાદ વિવાદોમાં આવેલી ફરીદાબાદ સ્થિત અલ-ફલાહ યુનિવર્સિટીના ચેરમેન જવાદ અહમદ સિદ્દીકીની દિલ્હી પોલીસની ક્રાઈમ બ્રાન્ચે ધરપકડ કરી છે. મીડિયા રિપોર્ટ મુજબ, યુનિવર્સિટી ગ્રાન્ટ્સ કમિશન (UGC) દ્વારા કરવામાં આવેલી છેતરપિંડીની ફરિયાદના આધારે પોલીસએ કાર્યવાહી હાથ ધરી હતી.
UGCની ફરિયાદ બાદ બે FIR નોંધાઈ
માહિતી અનુસાર, UGCએ ચેરમેન જવાદ અહમદ સિદ્દીકી વિરુદ્ધ ફોર્જરી અને છેતરપિંડી સંબંધિત ગંભીર આક્ષેપો સાથે ફરિયાદ નોંધાવી હતી. તેના આધારે દિલ્હી પોલીસે બે અલગ-અલગ FIR નોંધ્યા હતા. તપાસ આગળ વધતા ગુરુવારે (5 ફેબ્રુઆરી 2026) સવારે સિદ્દીકીની ધરપકડ કરવામાં આવી.
The Delhi Police Crime Branch has arrested Jawad Ahmed Siddiqui, Chairman of Al Falah University, in a case related to alleged fraud and irregularities, acting on complaints filed by the University Grants Commission (UGC). Two separate FIRs were registered in the matter, police…
— ANI (@ANI) February 5, 2026
કોર્ટમાં રજૂઆત બાદ 4 દિવસની પોલીસ કસ્ટડી
દિલ્હી પોલીસના જણાવ્યા મુજબ, ધરપકડ બાદ ચેરમેન સિદ્દીકીની દિલ્હીની અદાલતમાં રજૂઆત કરવામાં આવી હતી. કોર્ટે પ્રાથમિક તપાસને ધ્યાનમાં રાખીને તેમને ચાર દિવસની પોલીસ કસ્ટડીમાં મોકલવાનો આદેશ આપ્યો છે, જેથી તપાસ એજન્સીઓ વધુ પૂછપરછ કરી શકે.
દિલ્હી બ્લાસ્ટ બાદ EDની કાર્યવાહી
નોંધનીય છે કે લાલ કિલ્લા નજીક 10 નવેમ્બરએ થયેલા બૉમ્બ બ્લાસ્ટ બાદ અલ-ફલાહ યુનિવર્સિટી સુરક્ષા એજન્સીઓની રડારમાં આવી હતી. આ કેસમાં એન્ફોર્સમેન્ટ ડિરેક્ટોરેટ (ED)એ પહેલાથી જ ચેરમેન સિદ્દીકી વિરુદ્ધ આશરે 1000 પાનાંની ચાર્જશીટ દાખલ કરી હતી.
આ પહેલાં 16 જાન્યુઆરી 2026ના રોજ EDએ અલ-ફલાહ યુનિવર્સિટી સાથે જોડાયેલી લગભગ ₹140 કરોડની જમીન અને ઈમારતો કુર્ક કરી લીધી હતી. તપાસ એજન્સીઓ હાલમાં આ કેસના વિવિધ પાસાઓની તપાસ કરી રહી છે, જેમાં નાણાકીય ગેરરીતિઓ અને અન્ય આરોપોની તપાસ પણ સામેલ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
