સેન્ટ્રલ બોર્ડ ઓફ ડાયરેક્ટ ટેક્સ (CBDT) એ કોર્પોરેટ્સ માટે એસેસમેન્ટ વર્ષ (AY) 2024-25 માટે ઇન્કમ ટેક્સ રિટર્ન ફાઇલ કરવાની સમયમર્યાદા વધારી દીધી છે. જો સરકારે ડેડલાઇન ન વધારી હોત, તો વેપારી વર્ગને બિઝનેસ સંભાળવા સાથે ઇન્કમ ટેક્સ રિટર્ન ફાઇલ કરવાનું ટેન્શન વધી ગયું હોત .
હવે કોર્પોરેટ્સ પાસે ઇન્કમ ટેક્સ રિટર્ન ફાઇલ કરવા માટે 15 નવેમ્બર, 2024 સુધીનો સમય
દિવાળી પહેલા ભારતીય વેપારીઓ માટે સારા સમાચાર આવ્યા છે. સેન્ટ્રલ બોર્ડ ઓફ ડાયરેક્ટ ટેક્સ (CBDT) એ કોર્પોરેટ્સ માટે એસેસમેન્ટ વર્ષ (AY) 2024-25 માટે ઇન્કમ ટેક્સ રિટર્ન ફાઇલ કરવાની સમયમર્યાદા વધારી છે. નાણાકીય મંત્રાલયે જણાવ્યું કે હવે કોર્પોરેટ્સ પાસે ઇન્કમ ટેક્સ રિટર્ન ફાઇલ કરવા માટે 15 નવેમ્બર, 2024 સુધીનો સમય છે, જે 31 ઓક્ટોબર, 2024ની મૂળ સમયમર્યાદા કરતા વધારવામાં આવ્યો છે. ચાલો સમજીએ કે આનો ફાયદો શું થશે અને નિયમ શું કહે છે?
સરકાર દ્વારા કહેવામાં આવ્યું છે કે આ વિસ્તરણ ઇન્કમ ટેક્સ અધિનિયમ, 1961ની કલમ 139ની ઉપક્લોઝ (1) હેઠળ આવતા ટેક્સપેયર્સ પર લાગુ પડે છે. ખાસ કરીને આ વિસ્તરણ સરકાર દ્વારા ટેક્સ ઓડિટ રિપોર્ટ રજૂ કરવાની સમયમર્યાદા 30 સપ્ટેમ્બર, 2024થી વધારીને 7 ઓક્ટોબર, 2024 કર્યા બાદ આવ્યું છે.
જણાવી દઈએ કે ઇન્કમ ટેક્સ કાયદા હેઠળ કેટલાક ટેક્સપેયર્સને ઇન્કમ ટેક્સ ઓડિટ કરાવવી પડે છે અને એસેસમેન્ટ વર્ષના 30 સપ્ટેમ્બર સુધીમાં રિપોર્ટ રજૂ કરવો પડે છે. નાંગિયા એન્ડર્સન એલએલપીના ટેક્સ પાર્ટનર સંદીપ ઝુન્ઝુનવાલાએ મીડિયાને જણાવ્યું કે આ વિસ્તરણ ટેક્સ ઓડિટ રિપોર્ટ, ફોર્મ 3CEB માં ટ્રાન્સફર પ્રાઈસિંગ સર્ટિફિકેશન અને ફોર્મ 10DA જેવા અન્ય ઇન્કમ ટેક્સ ફોર્મ પર લાગુ નહીં થાય, જેના માટે સમયમર્યાદા 31 ઓક્ટોબર, 2024 રહેશે.
ફાયદો શું થશે?
CBDT દ્વારા AY 2024-25 માટે ઇન્કમ ટેક્સ રિટર્ન ફાઇલ કરવાની સમયમર્યાદા વધારવાનો નિર્ણય, તેમ છતાં આ સાથે કોઈ સત્તાવાર સ્પષ્ટીકરણ નથી. નિષ્ણાતોનું માનવું છે કે સરકારના આ નિર્ણયથી તહેવારના સીઝનમાં વેપારીઓને ITR ફાઇલ કરવાનું ટેન્શન નહીં લેવું પડે. વેપારીઓ સરકાર પાસેથી આ જ બાબતની અપેક્ષા રાખી રહ્યા હતા, કારણ કે જો સરકાર ડેડલાઇન ન વધારત, તો બિઝનેસ સંભાળવા સાથે સાથે ઇન્કમ ટેક્સ રિટર્ન ફાઇલ કરવાનું ટેન્શન વધી જાત.
