વૈશ્વિક સ્તરે અને ખાસ કરીને મધ્ય-પૂર્વના દેશોમાં ચાલી રહેલા સંઘર્ષના કારણે ઊર્જા સંકટ વધુ ઘેરું બન્યું છે, જેના સીધા અસર હવે ભારતના સ્થાનિક ઇંધણ બજારો પર જોવા મળી રહી છે. મુંબઈ અને તેની આસપાસના મેટ્રોપોલિટન રિજન (MMR) માં સીએનજી (CNG)ના રિટેલ ભાવમાં પ્રતિ કિલોગ્રામ રૂ. 2 નો વધારો કરવામાં આવ્યો છે.
આ નવો ભાવ વધારો 29 મે 2026ની મધ્યરાત્રિથી અમલમાં આવ્યો છે. છેલ્લા 15 દિવસમાં આ બીજી વખત છે જ્યારે સીએનજીના ભાવમાં વધારો નોંધાયો છે. અગાઉ 14 મેના રોજ પણ પ્રતિ કિલોગ્રામ રૂ. 2નો વધારો કરવામાં આવ્યો હતો, જેના કારણે ભાવ રૂ. 82 થી વધીને રૂ. 84 થયો હતો.
નવા વધારા બાદ મુંબઈ અને આસપાસના વિસ્તારોમાં સીએનજીનો ભાવ હવે રૂ. 86 પ્રતિ કિલોગ્રામ થયો છે. કંપની દ્વારા તમામ ડીલરોને તાત્કાલિક નવા દરો લાગુ કરવા માટે સૂચના આપવામાં આવી છે.
સતત વધી રહેલા સીએનજીના ભાવનો સૌથી વધુ ભાર ટેક્સી, ઓટો રિક્ષા અને અન્ય વ્યાવસાયિક વાહનચાલકો પર પડી રહ્યો છે. તેમના રોજિંદા ખર્ચમાં વધારો થતાં આવનારા દિવસોમાં ટ્રાન્સપોર્ટ ભાડામાં પણ વધારો થવાની શક્યતા વ્યક્ત કરવામાં આવી રહી છે.
ભાવ વધારા બાદ મુંબઈમાં સીએનજી હવે દિલ્હી કરતાં પણ મોંઘો થઈ ગયો છે. દિલ્હીમાં હાલ સીએનજીનો ભાવ રૂ. 83.09 પ્રતિ કિલોગ્રામ છે, જ્યારે મુંબઈમાં તે રૂ. 86 સુધી પહોંચી ગયો છે. જોકે નોઈડા અને ગાઝિયાબાદ જેવા વિસ્તારોની તુલનામાં મુંબઈમાં સીએનજી હજુ પણ થોડો સસ્તો છે.
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
