ભારત-બ્રાઝિલ ટ્રેડ ડીલ પર હસ્તાક્ષર, દ્વિપક્ષીય વેપારને મળશે નવી ગતિ

ફેબ્રુવારી 21, 2026, 4:52 પી એમ(PM) 2 min read

ભારત અને બ્રાઝિલ વચ્ચે 21 ફેબ્રુઆરીએ ઐતિહાસિક ટ્રેડ ડીલ પર હસ્તાક્ષર થયા છે, જે બંને દેશોના આર્થિક અને વ્યૂહાત્મક સંબંધોમાં નવા અધ્યાયની શરૂઆત માનવામાં આવી રહી છે. વડાપ્રધાન મોદી અને લુઇઝ ઇનાસિયો લુલા દા સિલ્વા વચ્ચે થયેલી દ્વિપક્ષીય બેઠકમાં વેપાર, ટેકનોલોજી અને ગ્લોબલ સાઉથ જેવા મહત્વપૂર્ણ મુદ્દાઓ પર સહમતિ બની છે.

પ્રમુખ લૂલાનું ભારતમાં ઉષ્માભર્યું સ્વાગત

વડાપ્રધાન મોદીએ પ્રમુખ લૂલા અને તેમના પ્રતિનિધિમંડળનું સ્વાગત કરતાં જણાવ્યું કે, તેમના વિઝન અને પ્રેરણાદાયક નેતૃત્વથી ભારત-બ્રાઝિલના સંબંધોને સતત મજબૂતી મળી છે. બંને નેતાઓ વચ્ચે છેલ્લા કેટલાક વર્ષોમાં થયેલી મુલાકાતોએ દ્વિપક્ષીય વિશ્વાસ અને મિત્રતાને વધુ ગાઢ બનાવી છે.

પ્રમુખ લૂલાનો આ પ્રવાસ ઇન્ડિયા એઆઈ ઇમ્પેક્ટ સમિટને પણ નવી ઉર્જા આપનાર સાબિત થયો છે, જે ટેકનોલોજી અને ડિજિટલ સહકારને પ્રોત્સાહિત કરે છે.

Addressing the joint press meet with President Lula of Brazil.@LulaOficial
https://t.co/hbeJiV7tF5

— Narendra Modi (@narendramodi) February 21, 2026

પાંચ વર્ષમાં $20 બિલિયનથી વધુ વેપારનો લક્ષ્ય

વડાપ્રધાન મોદીએ જણાવ્યું કે બ્રાઝિલ લેટિન અમેરિકામાં ભારતનો સૌથી મોટો ટ્રેડિંગ પાર્ટનર છે. બંને દેશો આગામી પાંચ વર્ષમાં દ્વિપક્ષીય વેપારને 20 બિલિયન ડોલરથી વધુ સુધી પહોંચાડવા પ્રતિબદ્ધ છે. તેમણે ભાર મૂક્યો કે વેપાર ફક્ત આંકડાઓનો મુદ્દો નથી, પરંતુ પરસ્પર વિશ્વાસ અને લાંબા ગાળાના સહયોગનું પ્રતિબિંબ છે.

પ્રમુખ લૂલા સાથે આવેલા મોટા વ્યાપારી પ્રતિનિધિમંડળે બંને દેશોના ઉદ્યોગકારો વચ્ચેના સહકારને વધુ મજબૂત બનાવવાની દિશામાં મહત્વપૂર્ણ સંકેત આપ્યો છે.

ટેકનોલોજી, AI અને ગ્લોબલ સાઉથ પર ભાર

બેઠક દરમિયાન AI, ડિજિટલ ટેકનોલોજી અને સ્ટાર્ટઅપ ઇકોસિસ્ટમમાં સહયોગ વધારવા પર વિશેષ ભાર મૂકાયો. વડાપ્રધાન મોદીએ જણાવ્યું કે ટેકનોલોજી અને નવીનતા ક્ષેત્રે ભાગીદારી માત્ર ભારત અને બ્રાઝિલ માટે જ નહીં, પરંતુ સમગ્ર ગ્લોબલ સાઉથ માટે વિકાસની નવી તકો સર્જી શકે છે.

આ ટ્રેડ ડીલ બંને દેશોને કૃષિ, ઊર્જા, ફાર્મા, ડિજિટલ ઇન્ફ્રાસ્ટ્રક્ચર અને ગ્રીન ટેકનોલોજી ક્ષેત્રે નવી સંભાવનાઓ તરફ આગળ વધારશે.

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे