અમેરિકાના સિએટલ શહેરમાં પોલીસ કારની ટક્કરે જીવ ગુમાવનારી ભારતીય વિદ્યાર્થી જાહ્નવી કંડુલાના પરિવારને અંતે ન્યાય મળ્યો છે. વર્ષ 2023માં બનેલી આ દુઃખદ ઘટનાને લઈને લાંબી કાનૂની પ્રક્રિયા બાદ અમેરિકન સત્તાધિકારીઓએ પરિવારને આશરે ₹262 કરોડ (3.1 કરોડ ડોલર)નું વળતર આપવાની ઓફર કરી છે. આ સેટલમેન્ટને પરિવાર માટે નૈતિક જીત તરીકે જોવામાં આવી રહ્યું છે.
શું હતી સમગ્ર ઘટના?
23 વર્ષીય જાહ્નવી કંડુલા ભારતની વિદ્યાર્થી હતી અને સીએટલની નોર્થઈસ્ટર્ન યુનિવર્સિટીમાં ઇન્ફોર્મેશન સિસ્ટમ્સમાં માસ્ટર્સ અભ્યાસ કરી રહી હતી. જાન્યુઆરી 2023માં તે રોડ ક્રોસ કરતી વખતે ડ્રગ ઓવરડોઝ કોલ પર જઈ રહેલી પોલીસ કાર સાથે અથડાઈ ગઈ હતી. તપાસમાં જાણવા મળ્યું હતું કે પોલીસ ઓફિસર કેવિન ડેવે નિર્ધારિત સ્પીડ લિમિટ કરતાં લગભગ ત્રણ ગણી ઝડપે વાહન ચલાવ્યું હતું, જેના કારણે ગંભીર અકસ્માત સર્જાયો અને જાહ્નવીનું મોત થયું.
🚨 Seattle City Administration agrees to pay $29 million (~₹241 crore) to the family of Indian student Jaahnavi Kandula, who was killed after being struck by a speeding Seattle police vehicle. 🇺🇸🇮🇳 pic.twitter.com/eog5n66dmE
— Gems (@gemsofbabus_) February 12, 2026
બોડી કેમેરા રેકોર્ડિંગથી વધ્યો વિવાદ
આ કેસ આંતરરાષ્ટ્રીય સ્તરે ચર્ચામાં આવ્યો ત્યારે અન્ય એક પોલીસ અધિકારી ડેનિયલ ઓડરરની બોડી કેમેરા રેકોર્ડિંગ બહાર આવી હતી. આ વીડિયોમાં ઓફિસર હસતા જોવા મળ્યો હતો અને જાહ્નવીના જીવનને ‘લિમિટેડ વેલ્યુ’ કહીને માત્ર વળતર ચૂકવવાની વાત કરતો સંભળાયો હતો. આ ટિપ્પણી સામે ભારત સહિત વિશ્વભરમાં ભારે રોષ જોવા મળ્યો હતો. ભારતીય રાજદ્વારીઓએ પણ કડક કાર્યવાહી અને પારદર્શક તપાસની માંગ ઉઠાવી હતી.
કોર્ટ સેટલમેન્ટ અને વળતરનો નિર્ણય
કિંગ કાઉન્ટી સુપિરિયર કોર્ટમાં દાખલ કરાયેલા કરાર અનુસાર, સિએટલ શહેર વહીવટીતંત્રે પરિવારને 3.1 કરોડ ડોલરનું આર્થિક વળતર આપવા સંમતિ દર્શાવી છે. શહેરના એટર્ની એરિકા ઇવાન્સે જણાવ્યું કે જાહ્નવીનું મોત અત્યંત દુઃખદ હતું અને આ વળતર પરિવારને થોડું સહારો આપશે તેવી આશા છે. આ ઘટનામાં સંકળાયેલા જવાબદાર પોલીસ અધિકારીને અગાઉ નોકરીમાંથી બરતરફ કરવામાં આવ્યો હતો.
નૈતિક અને કાનૂની દ્રષ્ટિએ મહત્વનો કેસ
જાહ્નવી કંડુલાનો કેસ પોલીસ જવાબદારી, માર્ગ સલામતી અને વિદેશમાં ભારતીય વિદ્યાર્થીઓની સુરક્ષા જેવા મુદ્દાઓને લઈને મહત્વપૂર્ણ માનવામાં આવે છે. આ ઘટનાએ આંતરરાષ્ટ્રીય સ્તરે પોલીસ વર્તન અને જવાબદારી અંગે ચર્ચા જગાવી હતી. સેટલમેન્ટ બાદ પરિવારને ન્યાય મળ્યો હોવાની લાગણી વ્યક્ત થઈ રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
