અફઘાનિસ્તાનની રાજધાની કાબુલમાં આવેલા એક નશામુક્તિ કેન્દ્ર પર થયેલા ભીષણ હવાઈ હુમલા બાદ સર્જાયેલી માનવીય કટોકટી વચ્ચે ભારતએ માનવતાવાદી મદદનો હાથ લંબાવ્યો છે. આ હુમલામાં અંદાજે 400 લોકોના મોત થયા છે અને 250થી વધુ લોકો ઘાયલ થયા હોવાનું જાણવા મળ્યું છે.
આ ગંભીર પરિસ્થિતિમાં ભારતે 2.5 ટન તાત્કાલિક તબીબી સહાય કાબુલ મોકલી છે, જેમાં જરૂરી દવાઓ, મેડિકલ કિટ્સ અને અન્ય આરોગ્ય સાધનોનો સમાવેશ થાય છે. આ પગલાને આંતરરાષ્ટ્રીય સ્તરે માનવતાવાદી સહયોગ તરીકે જોવામાં આવી રહ્યું છે.
ભારતનું નિવેદન: અફઘાન લોકોની સાથે ઊભા
વિદેશ મંત્રાલયના પ્રવક્તા રણધીર જયસ્વાલએ જણાવ્યું કે ભારત આ કપરા સમયમાં અફઘાન નાગરિકોની સાથે મક્કમતાથી ઊભું છે અને તેમને જરૂરી સહાય પહોંચાડવા પ્રતિબદ્ધ છે.
To support the medical treatment and swift recovery of those injured in the heinous attack on 16 March, India delivers a 2.5-ton consignment of emergency medicines, medical disposables, kits and equipment to Kabul.
India stands in solidarity with the Afghan people and will… pic.twitter.com/9dDu589tiY
— Randhir Jaiswal (@MEAIndia) March 20, 2026
પાકિસ્તાન પર હુમલાના આક્ષેપ, વૈશ્વિક સ્તરે ટીકા
આ હુમલા માટે પાકિસ્તાનને જવાબદાર ઠેરવવામાં આવી રહ્યું છે, જેના કારણે અફઘાનિસ્તાન અને પાકિસ્તાન વચ્ચેના સંબંધોમાં ભારે તણાવ સર્જાયો છે. 16 માર્ચની રાત્રે થયેલા આ હુમલાની વૈશ્વિક સ્તરે આકરી ટીકા થઈ રહી છે.
સંયુક્ત રાષ્ટ્ર સહિત અનેક આંતરરાષ્ટ્રીય માનવાધિકાર સંગઠનોએ નાગરિકોના મોત પર ગંભીર ચિંતા વ્યક્ત કરી છે અને આ ઘટનાની સ્વતંત્ર તપાસ કરવાની માંગ કરી છે.
તાલિબાનની ચેતવણી: બદલો લેવામાં આવશે
હુમલા બાદ તાલિબાનના પ્રવક્તા ઝબીહુલ્લાહ મુજાહિદએ પાકિસ્તાનને કડક ચેતવણી આપતા જણાવ્યું કે હવે કૂટનીતિનો સમય પૂરો થયો છે અને આ હુમલાનો બદલો લેવામાં આવશે. આ નિવેદન બાદ બંને દેશો વચ્ચે તણાવ વધુ વધ્યો છે.
તણાવ વચ્ચે કામચલાઉ સંઘર્ષ વિરામ
વધતા સૈન્ય તણાવ વચ્ચે હાલ બંને દેશોએ કામચલાઉ સંઘર્ષ વિરામની જાહેરાત કરી છે. પાકિસ્તાને ઈદ-ઉલ-ફિતર અને Saudi Arabia, Turkey અને Qatar જેવા મિત્ર દેશોની વિનંતી બાદ ‘ઓપરેશન ગઝબ લિલ-હક’ પર થોડા દિવસો માટે રોક લગાવી છે.
પાકિસ્તાનના આ નિર્ણય બાદ તાલિબાને પણ પોતાના સૈન્ય અભિયાનો થોભાવવાનો નિર્ણય લીધો છે. જોકે, સરહદી વિસ્તારોમાં સ્થિતિ હજુ પણ સંવેદનશીલ છે.
આ સંકટને શાંત કરવા માટે રશિયા સહિત અનેક દેશો દ્વારા મધ્યસ્થીના પ્રયાસો કરવામાં આવી રહ્યા છે. આંતરરાષ્ટ્રીય સમુદાય આ વિસ્તારમાં શાંતિ સ્થાપિત કરવા માટે સક્રિય બન્યો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
