ભારત અને અમેરિકા વચ્ચે થયેલા મહત્વપૂર્ણ વ્યાપાર કરારને લઈને વડાપ્રધાન નરેન્દ્ર મોદીએ ખુશી વ્યક્ત કરી છે અને અમેરિકાના પ્રમુખ ડોનાલ્ડ ટ્રમ્પનો હૃદયપૂર્વક આભાર માન્યો છે. PM મોદીએ જણાવ્યું કે આ ટ્રેડ ડીલ બંને દેશો વચ્ચેના મજબૂત વિશ્વાસ, વ્યૂહાત્મક ભાગીદારી અને લાંબા ગાળાના સહકારનું પ્રતિબિંબ છે. તેમના અનુસાર, આ સમજૂતી માત્ર વેપાર વધારવા માટે નહીં પરંતુ ભારતની આર્થિક વૃદ્ધિને નવી દિશા આપશે. ખાસ કરીને ‘મેક ઇન ઇન્ડિયા’ અભિયાનને ગતિ મળશે અને ભારતીય ઉત્પાદકોને વૈશ્વિક બજારમાં વધુ સ્પર્ધાત્મક બનવાની તક મળશે.
આ ટ્રેડ ડીલની મુખ્ય બાબતોમાં સૌથી મહત્વપૂર્ણ નિર્ણય એ છે કે અમેરિકાએ રશિયા પાસેથી તેલ ખરીદવા મુદ્દે ભારત પર લાગુ કરાયેલ 25 ટકા વધારાનો ટેરિફ પાછો ખેંચી લીધો છે. હવે કુલ ટેરિફ ઘટાડીને 18 ટકા કરવામાં આવ્યો છે, જે ભારતીય નિકાસકારો માટે મોટી રાહત માનવામાં આવી રહી છે. સાથે જ એરક્રાફ્ટ અને તેના ઉપકરણો પર લાગતી ડ્યુટી દૂર કરવામાં આવી છે, જે એવિએશન અને મેન્યુફેક્ચરિંગ સેક્ટર માટે નવી તકો ઊભી કરશે. આ પગલાથી ભારતીય કંપનીઓને અમેરિકન બજારમાં વધુ સરળતાથી પ્રવેશ મળશે અને દ્વિપક્ષીય વેપારને પ્રોત્સાહન મળશે.
Great news for India and USA!
We have agreed on a framework for an Interim Trade Agreement between our two great nations. I thank President Trump for his personal commitment to robust ties between our countries.
This framework reflects the growing depth, trust and dynamism of… https://t.co/zs1ZLzamhd
— Narendra Modi (@narendramodi) February 7, 2026
PM મોદીએ સોશિયલ મીડિયા પર કરેલી પોસ્ટમાં જણાવ્યું કે આ કરારનો સીધો લાભ ખેડૂતો, માછીમારો, MSME સેક્ટર, સ્ટાર્ટઅપ્સ અને ઉદ્યોગસાહસિકોને મળશે. નવા બજારો ખુલવાથી કૃષિ અને માછીમારી ઉત્પાદનોની નિકાસમાં વધારો થશે, જે આવક વધારવામાં મદદરૂપ બનશે. નાના અને મધ્યમ ઉદ્યોગોને અમેરિકામાં પોતાની પ્રોડક્ટ્સ વેચવાની સરળતા મળશે, જ્યારે ટેકનોલોજી સહયોગ અને રોકાણના નવા માર્ગો પણ ખુલશે.
આ ટ્રેડ ડીલની એક ખાસ વાત એ છે કે ભારતે પોતાના સંવેદનશીલ ક્ષેત્રો જેમ કે ખેતી અને ડેરી સેક્ટરને સુરક્ષિત રાખ્યા છે. ઘઉં, બાજરી, દૂધ અને અન્ય ડેરી ઉત્પાદનો પર કોઈ પ્રકારની છૂટછાટ આપવામાં આવી નથી, જેથી ભારતીય ખેડૂતોના હિતો સુરક્ષિત રહે. વિશ્લેષકોના મતે, આ કરાર ભારત-અમેરિકા આર્થિક સંબંધોને વધુ મજબૂત બનાવશે અને વૈશ્વિક સપ્લાય ચેઇનમાં ભારતની ભૂમિકા વધારવામાં મદદ કરશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
