મુંબઈની બૃહ્નમુંબઈ મહાનગર પાલિકા (BMC)માં મેયર પદને લઈને ચાલી રહેલા સસ્પેન્સનો અંત આવી ગયો છે. ભાજપ તરફથી રિતુ તાવડેને મેયર પદ માટે ઉમેદવાર તરીકે પસંદ કરવામાં આવ્યા છે અને તેઓ આજે સત્તાવાર રીતે નોમિનેશન ફાઈલ કરશે. મહાયુતિ ગઠબંધનની અંદરની સમજૂતી મુજબ ડેપ્યુટી મેયરનું પદ એકનાથ શિંદેના નેતૃત્વ હેઠળની શિવસેનાને આપવામાં આવશે. રાજકીય રીતે આ નિર્ણય મુંબઈની નગર રાજનીતિમાં મહત્વપૂર્ણ ગણાઈ રહ્યો છે, કારણ કે BMC દેશની સૌથી ધનિક નગરપાલિકાઓમાંની એક છે અને તેના નેતૃત્વ પર સૌની નજર રહેતી હોય છે.
રિતુ તાવડેની રાજકીય કારકિર્દી સતત વૃદ્ધિ દર્શાવે છે. તેઓ ઘાટકોપર પૂર્વના વોર્ડ નંબર 132માંથી સતત ત્રીજી વખત કાઉન્સિલર તરીકે જીત મેળવી ચૂક્યા છે. ખાસ વાત એ છે કે આ વિસ્તાર ગુજરાતીઓની બહુમતી ધરાવતો માનવામાં આવે છે, છતાં મરાઠી સમુદાયમાંથી આવતાં તાવડેએ અહીં હેટ્રિક લગાવીને પોતાની લોકપ્રિયતા અને સર્વગ્રાહી છબી સાબિત કરી છે. સ્થાનિક સ્તરે લોકો સાથે સીધો સંપર્ક રાખવો અને નાગરિકોની સમસ્યાઓનું ઝડપી નિરાકરણ લાવવાની તેમની કાર્યશૈલી તેમને અન્ય નેતાઓથી અલગ બનાવે છે.
#WATCH | Mumbai | Brihanmumbai Municipal Corporation Elections | BJP’s Ritu Tawde has been named the Mahayuti’s nominee for the post of Mayor, while Shiv Sena leader Sanjay Shankar Ghadi is the alliance’s nominee for Deputy Mayor. https://t.co/bsgW5cg05L pic.twitter.com/eLhp2D52Ig
— ANI (@ANI) February 7, 2026
રિતુ તાવડેનો રાજકીય સફર પણ રસપ્રદ રહ્યો છે. તેમણે વર્ષ 2012માં કોંગ્રેસ છોડી ભાજપમાં જોડાયા બાદ પાર્ટીમાં મજબૂત સ્થાન બનાવ્યું છે. તેઓ BMCની મહત્વપૂર્ણ શિક્ષણ સમિતિના અધ્યક્ષ તરીકે સેવા આપી ચૂક્યા છે અને હાલમાં મહારાષ્ટ્ર ભાજપ મહિલા મોરચાના ઉપાધ્યક્ષ તરીકે સક્રિય ભૂમિકા ભજવી રહ્યા છે. પાર્ટીમાં તેમને ગ્રાસરૂટ લેવલના નેતા તરીકે ઓળખવામાં આવે છે, જે લોકોના મુદ્દાઓ પર ધ્યાન કેન્દ્રિત કરે છે.
બીજી તરફ, ગઠબંધનની સમજૂતી મુજબ ડેપ્યુટી મેયર પદ શિંદે સેનાને મળશે. શિવસેના (શિંદે ગૃપ) તરફથી સંજય શંકર ઘાડીને ઉમેદવાર તરીકે આગળ ધપાવવામાં આવી શકે છે. મહાયુતિના નેતાઓનું માનવું છે કે રિતુ તાવડે અને સંજય ઘાડીની જોડી મુંબઈના ઈન્ફ્રાસ્ટ્રક્ચર, નાગરિક સુવિધાઓ અને વિકાસ કાર્યોને નવી ગતિ આપશે. આગામી દિવસોમાં BMCના નેતૃત્વ હેઠળ શહેરના વિકાસ પ્રોજેક્ટ્સ અને નીતિઓ પર ખાસ ધ્યાન રહેશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
