મધ્યપૂર્વમાં છેલ્લા લગભગ વીસ દિવસથી ચાલી રહેલા સંઘર્ષ વચ્ચે ગુરુવારે (19 માર્ચ) એક ગંભીર ઘટનાક્રમ સામે આવ્યો છે. ઈરાન એ કતારના સૌથી મોટા LNG (લિક્વિફાઇડ નેચરલ ગેસ) પ્લાન્ટ પર મિસાઈલ હુમલો કર્યો હોવાનું જણાવવામાં આવી રહ્યું છે. આ હુમલાને કારણે વૈશ્વિક ઉર્જા બજારમાં પણ ચિંતા વધી છે.
આ હુમલો રાસ લાફાન ખાતે થયો હતો, જે દોહાથી લગભગ 80 કિલોમીટર ઉત્તર તરફ આવેલું મહત્વપૂર્ણ ઔદ્યોગિક કેન્દ્ર છે. અહીં વિશ્વનો સૌથી મોટો LNG પ્લાન્ટ સ્થિત છે, જ્યાંથી કતારનું મોટાભાગનું ગેસ ઉત્પાદન અને ગેસ-ટુ-લિક્વિડ પ્રક્રિયા થાય છે. આ પ્લાન્ટનું સંચાલન કતાર એનર્જી દ્વારા કરવામાં આવે છે.
કતાર સરકારે જણાવ્યું છે કે ઈરાનિયન મિસાઈલ હુમલાના કારણે પ્લાન્ટને ભારે નુકસાન થયું છે. જોકે સકારાત્મક બાબત એ છે કે આ હુમલામાં કોઈ જાનહાનિ થઈ નથી. કતાર એનર્જીએ પણ સ્પષ્ટ કર્યું છે કે હાલ સ્થિતિ નિયંત્રણમાં છે અને સુરક્ષા એજન્સીઓએ સમગ્ર વિસ્તાર કબજામાં લઈ લીધો છે.
QatarEnergy’s Ras Laffan Industrial City to the north of Doha, Qatar's main site for the production of liquefied natural gas and gas-to-liquid, as well as the largest export terminal for LNG in the world, has been heavily targeted tonight by ballistic missiles fired by Iran.… pic.twitter.com/Ax9WaOjDAK
— OSINTdefender (@sentdefender) March 18, 2026
હુમલા પછી કતારે કડક રાજનૈતિક પગલાં લીધા છે. કતાર વિદેશ મંત્રાલયએ ઈરાનના દૂતાવાસના કેટલાક સ્ટાફને ‘પર્સોના નોન ગ્રાટા’ જાહેર કરી દીધા છે અને તેમને 24 કલાકની અંદર દેશ છોડવાનો આદેશ આપ્યો છે. આ પગલું બંને દેશો વચ્ચેના સંબંધોમાં વધુ તણાવ વધારવાની સંભાવના દર્શાવે છે.
ઉલ્લેખનીય છે કે ઈરાનએ અગાઉ ઈઝરાયેલના હુમલાના જવાબમાં મધ્યપૂર્વમાં ઓઇલ અને ગેસ ઇન્ફ્રાસ્ટ્રક્ચરને નિશાન બનાવવાની ચેતવણી આપી હતી. આ સાથે જ કતારએ 2 માર્ચથી જ LNG ઉત્પાદન બંધ કરી દીધું હતું, જેનાથી સમગ્ર પરિસ્થિતિ વધુ સંવેદનશીલ બની ગઈ છે.
આ ઘટના પછી મધ્યપૂર્વમાં તણાવ વધુ ઊંચાઈએ પહોંચ્યો છે અને વૈશ્વિક ઉર્જા સપ્લાય તેમજ આંતરરાષ્ટ્રીય બજારો પર તેની અસર પડવાની શક્યતા વ્યક્ત કરવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
