ભારત અને અમેરિકા વચ્ચે સોમવારે થયેલા ઐતિહાસિક વેપાર કરાર બાદ બંને દેશોના સંબંધોમાં નવી ઉર્જા જોવા મળી રહી છે. આ જ ક્રમમાં મંગળવારે ભારતીય વિદેશ મંત્રી ડૉ. એસ. જયશંકરે વોશિંગ્ટનમાં યુએસ સેક્રેટરી ઓફ સ્ટેટ માર્કો રુબિયો સાથે મહત્વપૂર્ણ મુલાકાત કરી. આ બેઠક મહત્વપૂર્ણ ખનિજો (Critical Minerals) પર યોજાનારી પ્રથમ મંત્રીસ્તરીય પરિષદ પહેલા યોજાઈ હતી, જેને વ્યૂહાત્મક દૃષ્ટિએ અત્યંત મહત્વપૂર્ણ માનવામાં આવી રહી છે.
મહત્વપૂર્ણ ખનિજોમાં દ્વિપક્ષીય સહયોગને ઔપચારિક સ્વરૂપ આપવાની ચર્ચા
બેઠક દરમિયાન બંને નેતાઓએ દુર્લભ અને મહત્વપૂર્ણ ખનિજોના સંશોધન, માઈનિંગ અને પ્રોસેસિંગ ક્ષેત્રે ભારત-અમેરિકા સહયોગને ઔપચારિક રીતે આગળ વધારવા પર ચર્ચા કરી. માર્કો રુબિયોએ સ્ટેટ ડિપાર્ટમેન્ટમાં વિદેશ મંત્રી જયશંકરનું ઉષ્માભર્યું સ્વાગત કર્યું. આ મુલાકાતથી આશા વ્યક્ત કરવામાં આવી રહી છે કે, બંને દેશો વચ્ચે આર્થિક તેમજ વ્યૂહાત્મક ભાગીદારી વધુ મજબૂત બનશે.
વેપાર, ઊર્જા અને સંરક્ષણ સહયોગ પર ભાર
વિદેશ મંત્રી એસ. જયશંકરના જણાવ્યા મુજબ બેઠકમાં ભારત-અમેરિકા વ્યૂહાત્મક ભાગીદારીના વિવિધ મહત્વપૂર્ણ પાસાઓ પર ચર્ચા થઈ. તેમાં વેપાર, ઊર્જા, પરમાણુ સહયોગ, સંરક્ષણ, મહત્વપૂર્ણ ખનિજો અને આધુનિક ટેકનોલોજી જેવા ક્ષેત્રો સામેલ હતા. જયશંકરે સોશિયલ મીડિયા પ્લેટફોર્મ X પર પોસ્ટ કરીને જણાવ્યું કે, બંને દેશોએ સહિયારા હિતોને આગળ ધપાવવા માટે વિવિધ મેકેનિઝમ્સની ટૂંક સમયમાં બેઠકો યોજવા પર સંમતિ વ્યક્ત કરી છે.
Delighted to meet US @SecRubio this afternoon.
A wide ranging conversation that covered our bilateral cooperation agenda, regional and global issues.
Facets of India – US Strategic Partnership discussed included trade, energy, nuclear, defence, critical minerals and… pic.twitter.com/1rbXJHgEQY
— Dr. S. Jaishankar (@DrSJaishankar) February 3, 2026
ટ્રમ્પ-મોદી વચ્ચે થયેલા ઐતિહાસિક વેપાર કરારનું સ્વાગત
બેઠક દરમિયાન બંને મંત્રીઓએ અમેરિકાના પ્રમુખ ડોનાલ્ડ ટ્રમ્પ અને ભારતના વડાપ્રધાન નરેન્દ્ર મોદી વચ્ચે થયેલા ઐતિહાસિક વેપાર કરારનું સ્વાગત કર્યું. બેઠકના અંતે, જયશંકર અને રુબિયોએ ક્વાડ (QUAD) અંતર્ગત દ્વિપક્ષીય અને બહુપક્ષીય સહયોગને વધુ મજબૂત બનાવવા પ્રતિબદ્ધતા પુનરોચ્ચાર કરી. બંને નેતાઓએ સમૃદ્ધ અને સુરક્ષિત ઈન્ડો-પેસિફિક ક્ષેત્રને સહિયારા હિતો માટે આવશ્યક ગણાવ્યો.
એસ. જયશંકરનો અમેરિકાનો પ્રવાસ
વિદેશ મંત્રી એસ. જયશંકર 2 ફેબ્રુઆરીથી 4 ફેબ્રુઆરી સુધી અમેરિકાના સત્તાવાર પ્રવાસ પર છે. આ દરમિયાન તેઓ રુબિયો દ્વારા આયોજિત ક્રિટિકલ મિનરલ્સ મિનિસ્ટ્રીયલમાં ભાગ લેશે. ઉપરાંત, તેઓ વરિષ્ઠ અમેરિકન વહીવટી અધિકારીઓ સાથે પણ મુલાકાત કરશે. વિદેશ મંત્રાલય અનુસાર, આ બેઠકોનો મુખ્ય હેતુ ભારત-અમેરિકા સંબંધોને નવી દિશા આપવાનો છે.
વેપાર કરાર બાદ તરત જ મહત્વપૂર્ણ બેઠક
જયશંકર અને રુબિયો વચ્ચેની આ બેઠક અમેરિકન પ્રમુખ ડોનાલ્ડ ટ્રમ્પના તાજેતરના એલાન બાદ થઈ છે, જેમાં ટ્રમ્પે ભારત-અમેરિકા વચ્ચે વેપાર કરાર પર સંમતિ થવાની પુષ્ટિ કરી હતી. આ સાથે જ ટ્રમ્પે ભારત પર લાગુ કરાયેલા પારસ્પરિક ટેરિફમાં 25 ટકાથી ઘટાડો કરીને 18 ટકા કરવાની જાહેરાત પણ કરી હતી, જેને ભારત માટે મોટી રાહત માનવામાં આવી રહી છે.
Pleased to meet US Treasury Secretary Scott Bessent in Washington DC today. @SecScottBessent
Had a useful discussion on advancement of India – US economic partnership and strategic cooperation.
🇮🇳 🇺🇸 pic.twitter.com/tfNMpTT8wH
— Dr. S. Jaishankar (@DrSJaishankar) February 3, 2026
યુએસ ટ્રેઝરી સેક્રેટરી સ્કૉટ બેસેન્ટ સાથે પણ મુલાકાત
આ ઉપરાંત, જયશંકરે વોશિંગ્ટનમાં યુએસ ટ્રેઝરી સેક્રેટરી સ્કૉટ બેસેન્ટ સાથે પણ મહત્વપૂર્ણ બેઠક કરી. આ મુલાકાત બાદ X પર પોસ્ટ કરતા જયશંકરે લખ્યું કે, બંને દેશો વચ્ચે આર્થિક ભાગીદારી અને વ્યૂહાત્મક સહયોગને આગળ વધારવા માટે ચર્ચા ખૂબ જ ઉપયોગી અને ફળદાયી રહી.
ભારત-અમેરિકા સંબંધોમાં તાજેતરનો તણાવ અને નવી આશા
છેલ્લા 9–10 મહિનામાં વેપાર વાટાઘાટોમાં ગતિરોધ અને અમેરિકાની ઊંચી ટેરિફ નીતિના કારણે ભારત-અમેરિકા સંબંધોમાં તણાવ જોવા મળ્યો હતો. ઉપરાંત, વોશિંગ્ટનમાં ટ્રમ્પ વહીવટીતંત્ર દ્વારા પાકિસ્તાનને મહત્વ આપવાના સંકેતો અને ભારત-પાકિસ્તાન મુદ્દે ટ્રમ્પના નિવેદનોને લઈને ભારતમાં ચિંતા હતી.
જો કે, અમેરિકાના નેતૃત્વમાં યોજાનારી મહત્વપૂર્ણ ક્રિટિકલ મિનરલ્સ બેઠકમાં પાકિસ્તાનને આમંત્રણ ન મળવું, એ સ્પષ્ટ કરે છે કે અમેરિકા ભારતની સંવેદનશીલતાનું સન્માન કરી રહ્યું છે અને ભારત સાથેની વ્યૂહાત્મક ભાગીદારીને પ્રાથમિકતા આપી રહ્યું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
