ઈન્ડિયન પ્રીમિયર લીગ (IPL)ના પૂર્વ અધ્યક્ષ લલિત મોદીએ ભાગેડુ ઉદ્યોગપતિ વિજય માલ્યા સાથે લંડનમાં પાર્ટી કરતા એક વીડિયો વાયરલ થયા બાદ સોશિયલ મીડિયા પર જાહેરમાં માફી માંગી છે. વીડિયોમાં બંને પોતાને ‘ભારતના સૌથી મોટા ભાગેડુ’ તરીકે ઓળખાવતા નજરે પડ્યા હતા, જેને લઈને દેશભરમાં ભારે ટીકા અને રોષ જોવા મળ્યો હતો.
શું હતી સમગ્ર ઘટના?
લલિત મોદીએ પોતાના સોશિયલ મીડિયા એકાઉન્ટ પર એક વીડિયો શેર કર્યો હતો, જેમાં કેપ્શનમાં લખ્યું હતું, “ભારતમાં ફરી ઈન્ટરનેટ તોડીએ. જન્મદિવસની શુભકામનાઓ, મારા મિત્ર #VijayMallya. લવ યુ.” વીડિયોમાં લલિત મોદી કહેતા સાંભળાઈ રહ્યા હતા કે, “અમે બે ભાગેડુ છીએ, ભારતના સૌથી મોટા ભાગેડુ,” જ્યારે વિજય માલ્યા આ વાત પર હસતો જોવા મળ્યો હતો. આ પાર્ટી લંડનના બેલગ્રેવ સ્ક્વેરમાં આવેલા લલિત મોદીના નિવાસસ્થાને વિજય માલ્યાના 70મા જન્મદિવસ નિમિત્તે યોજાઈ હતી. વીડિયો વાયરલ થતા જ સોશિયલ મીડિયા પર ભારે હોબાળો મચી ગયો અને ઘણા યુઝર્સે આને ભારત સરકાર અને કાયદાની ખુલ્લેઆમ મજાક ગણાવી.
લલિત મોદીની માફી અને સરકારની પ્રતિક્રિયા
વિવાદ વધતા લલિત મોદીએ X (પૂર્વે ટ્વિટર) પર માફી માંગતા લખ્યું કે, “જો મારા નિવેદનથી કોઈની, ખાસ કરીને ભારત સરકારની લાગણીઓને ઠેસ પહોંચી હોય તો હું દિલથી માફી માંગુ છું. હું ભારત સરકારનો આદર અને સન્માન કરું છું. મારા શબ્દોને ખોટી રીતે રજૂ કરવામાં આવ્યા હતા અને એવો કોઈ આશય ન હતો.” બીજી તરફ, વિદેશ મંત્રાલયે પણ આ મામલે સ્પષ્ટતા કરતા જણાવ્યું હતું કે ભારત સરકાર ભાગેડુ આરોપીઓને પાછા લાવવા માટે પ્રતિબદ્ધ છે અને તેમના પ્રત્યાર્પણ માટે વિવિધ દેશો સાથે કાનૂની પ્રક્રિયા ચાલી રહી છે.
I apologise if I have hurt anyone feelings especially the Indian Government who I have the highest respect and regard for. The statement was misconstrued and was never intended to be as played out. Once again my deepest apologies
— Lalit Kumar Modi (@LalitKModi) December 29, 2025
શા માટે ભાગેડુ છે માલ્યા અને મોદી?
વિજય માલ્યા પર બંધ થઈ ગયેલી કિંગફિશર એરલાઈન્સ સંબંધિત લોન કૌભાંડ અને મની લોન્ડરિંગના ગંભીર આરોપો છે, જ્યારે લલિત મોદી પર IPLના શરૂઆતના વર્ષોમાં નાણાકીય ગેરરીતિ અને અનિયમિતતાના આરોપો લાગ્યા છે. બંને આરોપોનો સામનો કરતાં અનુક્રમે 2016 અને 2010માં ભારત છોડીને વિદેશમાં વસવાટ કરવા લાગ્યા હતા.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
