ગુજરાતમાં આવનારી સ્થાનિક સ્વરાજ્યની ચૂંટણીઓ પહેલાં ઊભા થયેલા કાનૂની સંકટ વચ્ચે સુપ્રીમ કોર્ટએ આજે (10 એપ્રિલ) મહત્વપૂર્ણ ચુકાદો આપ્યો છે. કોર્ટે રાજ્ય સરકારની 27 ટકા OBC અનામત નીતિ સામે ચૂંટણી પ્રક્રિયા પર રોક લગાવવાની માંગ ફગાવી દીધી છે અને સ્પષ્ટ કર્યું છે કે હાલના તબક્કે ચૂંટણી અટકાવવામાં આવશે નહીં.
શું છે સમગ્ર મામલો?
આ કેસ પાટીદાર અગ્રણી દિનેશ બાંભણિયા દ્વારા દાખલ કરાયેલી જાહેર હિતની અરજી (PIL) સાથે જોડાયેલો છે. અરજીમાં 27% OBC અનામત નીતિને પડકારીને સમગ્ર ચૂંટણી પ્રક્રિયા પર સ્ટે મૂકવાની માંગ કરવામાં આવી હતી. સુપ્રીમ કોર્ટે આ માંગ નકારી કાઢી અને અરજદારને ગુજરાત હાઈકોર્ટ માં અપીલ કરવાની સૂચના આપી છે.
હવે હાઈકોર્ટમાં થશે અંતિમ સુનાવણી
સુપ્રીમ કોર્ટના નિર્દેશ બાદ હવે આ મુદ્દે ગુજરાત હાઈકોર્ટમાં વિગતવાર સુનાવણી થશે. હાઈકોર્ટ જે નિર્ણય લેશે તે આ ચૂંટણી માટે માન્ય ગણાશે. રાજ્ય સરકાર 27% OBC અનામત જાળવવા માટે મક્કમ છે અને તેને બંધારણીય રીતે યોગ્ય સાબિત કરવાનો પ્રયાસ કરી રહી છે.
પિટિશનમાં ઉઠાવાયેલા મુખ્ય મુદ્દા
પિટિશનમાં અનામત નીતિ સામે કેટલાક મહત્વપૂર્ણ કાનૂની પ્રશ્નો ઉઠાવવામાં આવ્યા છે:
- ટ્રિપલ ટેસ્ટનું પાલન:
સુપ્રીમ કોર્ટના અગાઉના માર્ગદર્શન મુજબ OBC અનામત માટે ટ્રિપલ ટેસ્ટ (સામાજિક-આર્થિક સર્વે, સ્વતંત્ર કમિશન અને સ્થાનિક સ્તરે ડેટા)નું પાલન થયું છે કે નહીં? - 50% અનામત મર્યાદા:
SC/ST અને OBC અનામત મળીને કુલ 50% મર્યાદા વટાવે છે કે નહીં? - ઝવેરી કમિશન રિપોર્ટ:
ઝવેરી કમિશન રિપોર્ટ ના આધારે બેઠક ફાળવણી બંધારણીય અને તર્કસંગત છે કે નહીં?
ચૂંટણી પ્રક્રિયા યથાવત રહેશે
સુપ્રીમ કોર્ટના આ નિર્ણયથી સ્પષ્ટ થઈ ગયું છે કે ગુજરાતમાં પંચાયત, નગરપાલિકા અને મહાનગરપાલિકાની ચૂંટણી પ્રક્રિયા યથાવત ચાલુ રહેશે. આ નિર્ણય રાજ્યની રાજનીતિ અને ચૂંટણી પ્રક્રિયા માટે અત્યંત મહત્વપૂર્ણ માનવામાં આવી રહ્યો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
