તમિલનાડુમાં ચાલી રહેલી વિધાનસભા ચૂંટણી વચ્ચે ફિલ્મ પ્રદર્શનને લઈને ઊભા થયેલા વિવાદ પર મદ્રાસ હાઇકોર્ટે મહત્વપૂર્ણ નિર્ણય આપ્યો છે. કોર્ટે બોલિવુડ ફિલ્મ Dhurandhar-2: The Revenge ના સ્ક્રીનિંગ પર પ્રતિબંધ મૂકવાની તમામ અરજીઓને ફગાવી દીધી છે અને ફિલ્મને અવરોધ વિના પ્રદર્શિત કરવાની મંજૂરી આપી છે.
કોર્ટનો સ્પષ્ટ પ્રશ્ન: કયો કાયદો રોકે છે ફિલ્મ રિલીઝ?
અરજદારો દ્વારા દલીલ કરવામાં આવી હતી કે ફિલ્મમાં રાજકીય અને સંવેદનશીલ મુદ્દાઓ છે, જે ચૂંટણી દરમિયાન મતદારોને પ્રભાવિત કરી શકે છે. પરંતુ કોર્ટે સ્પષ્ટ કહ્યું કે “મોડલ કોડ ઑફ કંડક્ટ લાગુ હોય ત્યારે ફિલ્મ રિલીઝ નહીં થઈ શકે એવો કયો કાયદો છે?”
કોર્ટે વધુમાં જણાવ્યું કે ફિલ્મને Central Board of Film Certification (CBFC) દ્વારા સર્ટિફિકેટ આપવામાં આવ્યું છે અને તેને કોઈએ કાયદેસર પડકાર્યું નથી.
અરજીઓનો થયો સંપૂર્ણ ઈનકાર
આ મામલે એડવોકેટ શીલા દ્વારા માર્ચમાં મૌખિક ઉલ્લેખ કરવામાં આવ્યો હતો, પરંતુ કોર્ટે મૌખિક આદેશ આપવાનો ઇનકાર કર્યો હતો. ત્યારબાદ રિટ પિટિશન દાખલ કરવામાં આવી, જેને હવે હાઇકોર્ટે સંપૂર્ણપણે ફગાવી દીધી છે.
ફિલ્મની બોક્સ ઓફિસ પર ધમાકેદાર સફળતા
આદિત્ય ધાર દ્વારા નિર્દેશિત આ જાસૂસી થ્રિલર ફિલ્મ માર્ચ 2026માં રિલીઝ થઈ હતી અને ત્યારથી જ બોક્સ ઓફિસ પર સફળતા મેળવી રહી છે. ફિલ્મ દેશ-વિદેશમાં સારો પ્રતિસાદ મેળવી રહી છે અને દર્શકોમાં લોકપ્રિય બની છે.
પાઈરસી સામે પણ મળી હતી કાનૂની સુરક્ષા
આ પહેલાં પણ મદ્રાસ હાઇકોર્ટે ફિલ્મને પાઈરસીથી બચાવવા માટે ખાસ સુરક્ષા આપી હતી. તેના કારણે ફિલ્મનું પ્રદર્શન સરળતાથી ચાલુ રહ્યું છે અને હાલમાં પણ તમિલનાડુ સહિત અનેક રાજ્યોમાં ચાલી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
