યુએસ સ્પેસ એજન્સી NASAએ તેના ઐતિહાસિક આર્ટેમિસ II મિશન દરમિયાન અવકાશયાત્રીઓ દ્વારા લેવામાં આવેલી પૃથ્વીની અદભુત તસવીરો જાહેર કરી છે. ‘બ્લુ માર્બલ’ તરીકે ઓળખાતી આ છબીઓમાં પૃથ્વીનું અદ્વિતીય સૌંદર્ય અને વિગતવાર દૃશ્ય જોવા મળે છે.
"Suddenly, we're up there with them."
We're sharing the Artemis II crew's first images from space—keep following our 24/7 live feed for the latest mission updates: https://t.co/BezILihoZc pic.twitter.com/OwgYsWnngp
— NASA (@NASA) April 3, 2026
NASAએ સોશિયલ મીડિયા પ્લેટફોર્મ X પર આ તસવીરો શેર કરતાં લખ્યું કે છેલ્લા 54 વર્ષોમાં ઘણો સમય પસાર થયો છે, પરંતુ એક વાત યથાવત છે—અવકાશમાંથી આપણું ઘર પૃથ્વી આજે પણ એટલું જ સુંદર દેખાય છે. આ સાથે NASAએ 1972ના Apollo 17 મિશન દરમિયાન લેવામાં આવેલી તસવીર સાથે તુલના પણ રજૂ કરી છે.
We’ve come so far in the last 54 years, but one thing hasn’t changed: Our home looks gorgeous from space! The left view is from the Apollo 17 crew in 1972 and the right was captured yesterday by the Artemis II crew.
— NASA (@NASA) April 3, 2026
આ તસવીરો Orion spacecraftની અંદરથી લેવામાં આવી છે, જે પોતે જ એક ઐતિહાસિક સિદ્ધિ માનવામાં આવે છે. મિશન કમાન્ડર Reid Wisemanએ ટ્રાન્સલુનર ઇન્જેક્શન બર્ન પૂર્ણ થયા બાદ અવકાશયાનની બારીમાંથી આ તસવીરો કેદ કરી હતી.
એક તસવીરમાં પૃથ્વી સૂર્યપ્રકાશથી ઝળહળતી દેખાય છે અને ઉત્તર-દક્ષિણ ધ્રુવો પાસે ઓરોરા (ધ્રુવીય પ્રકાશ) સ્પષ્ટ દેખાય છે. સાથે જ ઝોડિયાકલ લાઇટનો અદભુત નજારો પણ જોવા મળે છે. બીજી તસવીરમાં પૃથ્વી ગાઢ વાદળોથી ઢંકાયેલી છે અને અવકાશયાન આગળ વધતા તે ધીમે ધીમે દૂર થતી દેખાય છે.
"We can see the Moon out of the docking hatch right now. It's a beautiful sight."
Flight day 3 is in the books, and our @NASAArtemis II crew is now closer to the Moon than to Earth. Check out highlights from our lunar mission. What’s been your favorite moment so far? pic.twitter.com/mIF343JyX3
— NASA (@NASA) April 4, 2026
હાલમાં મિશનનું ક્રૂ પૃથ્વીથી લગભગ 90,000 માઇલ (આશરે 1.45 લાખ કિમી) દૂર છે અને ચંદ્ર તરફ આગળ વધી રહ્યું છે. આ મિશનમાં ચાર અવકાશયાત્રીઓનો સમાવેશ થાય છે, જેમાં Reid Wiseman, Victor Glover, Christina Koch અને કેનેડિયન અવકાશયાત્રી Jeremy Hansen સામેલ છે.
In this image, also taken from the Orion capsule, we see the divide between night and day, known as the terminator, cutting across Earth. Whether awake or dreaming, we're all here on this planet together. pic.twitter.com/NhtD2DjBYQ
— NASA (@NASA) April 3, 2026
Artemis II મિશન 1972 પછીનું પહેલું માનવ ચંદ્ર પરિક્રમા મિશન છે. જોકે, આ મિશનમાં અવકાશયાત્રીઓ ચંદ્રની સપાટી પર ઉતરશે નહીં, પરંતુ તેની પરિક્રમા કરીને પાછા પૃથ્વી પર ફરશે.
આ મિશન માનવ અવકાશ યાત્રાના નવા યુગની શરૂઆત માનવામાં આવે છે, જે ભવિષ્યમાં ચંદ્ર પર માનવ ઉતરાણ અને વધુ ઊંડા અવકાશ અન્વેષણ માટે માર્ગ તૈયાર કરશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel