અમેરિકાની પ્રતિષ્ઠિત ‘Scripps National Spelling Bee 2026’ સ્પર્ધામાં આ વર્ષે કેલિફોર્નિયાના 14 વર્ષીય શ્રેય પરીખે ભવ્ય જીત મેળવી છે. વોશિંગ્ટન ડીસીના DAR Constitution Hall ખાતે યોજાયેલી આ સ્પર્ધા રોમાંચક અને નાટકીય વળાંકો સાથે યાદગાર બની રહી.
ફાઇનલમાં શ્રેય પરીખ અને ઇશાન ગુપ્તા વચ્ચે ટક્કર જબરદસ્ત રહી હતી. બંને વચ્ચે ટાઈ થતાં ‘સ્પેલ-ઓફ’ ટાઈબ્રેકર રાઉન્ડ યોજાયો હતો. આ 90 સેકન્ડના રેપિડ-ફાયર રાઉન્ડમાં શ્રેયે 32 શબ્દોના સાચા સ્પેલિંગ આપીને નવો રેકોર્ડ બનાવ્યો, જ્યારે ઇશાન ગુપ્તાએ 25 શબ્દો સાચા કહ્યા.
સ્પર્ધા દરમિયાન શરૂઆતમાં બઝરમાં ટેકનિકલ ખામી આવતા શ્રેયને થોડી વાર રાહ જોવી પડી હતી, છતાં તેણે આત્મવિશ્વાસ જાળવી રાખીને ધમાકેદાર કમબેક કર્યું. અંતે ‘Bromocriptine’ શબ્દનું સાચું સ્પેલિંગ કરીને તેણે ચેમ્પિયનનો ખિતાબ જીત્યો.
BREAKING: 14-year-old Shrey Parikh is the 2026 Scripps National Spelling Bee Champion!
In a dramatic spell-off, Parikh spelled a record 32 words correctly in 90 seconds, clinching victory with "bromocriptine." pic.twitter.com/BnMhwIRBAD
— Megh Updates 🚨™ (@MeghUpdates) May 29, 2026
શ્રેય પરીખની આ જીત ખાસ છે કારણ કે તેણે અગાઉ નિષ્ફળતાઓનો સામનો કર્યો હતો. 2022માં તે 89મા ક્રમે રહ્યો હતો અને 2024માં ત્રીજા સ્થાને આવ્યો હતો. એક વખત સરળ શબ્દમાં ભૂલ થવાને કારણે બહાર થયા બાદ પણ તેણે હિંમત નહીં હારી અને સતત મહેનતથી સફળતા મેળવી.
વિજેતા તરીકે શ્રેયને 50,000 ડોલરનું રોકડ ઇનામ, મરિયમ-વેબસ્ટર તરફથી 2,500 ડોલર, કસ્ટમ ટ્રોફી, મેડલ તેમજ અન્ય અનેક ઇનામો મળ્યા છે.
આ સ્પર્ધામાં ભારતીય મૂળના વિદ્યાર્થીઓનું વર્ચસ્વ યથાવત રહ્યું છે. છેલ્લા 37 વર્ષમાં 31 વિજેતા ભારતીય મૂળના રહ્યા છે, જે તેમની મહેનત અને શિક્ષણ પ્રત્યેની પ્રતિબદ્ધતા દર્શાવે છે.
આ વર્ષે સ્પર્ધામાં વિશ્વભરના 247 સ્પર્ધકોએ ભાગ લીધો હતો. અમેરિકાના 50 રાજ્યો ઉપરાંત કેનેડા, યુએઇ, નાઈજીરિયા અને અન્ય દેશોના વિદ્યાર્થીઓએ ભાગ લઈને આ સ્પર્ધાને વૈશ્વિક બનાવેલી હતી.
શ્રેય પરીખની આ સિદ્ધિ માત્ર વ્યક્તિગત સફળતા નથી, પરંતુ વિશ્વભરના વિદ્યાર્થીઓ માટે પ્રેરણાસ્ત્રોત બની છે.
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
