આઈસીસી મહિલા વર્લ્ડ કપ 2025માં ઐતિહાસિક વિજય હાંસલ કરનાર ભારતીય મહિલા ક્રિકેટ ટીમે બુધવારે (5 નવેમ્બર) વડાપ્રધાન નરેન્દ્ર મોદીની મુલાકાત લીધી. આ મુલાકાત વડાપ્રધાનના નવી દિલ્હીમાં સ્થિત નિવાસસ્થાને યોજાઈ હતી, જ્યાં મોદીએ આખી ટીમનું ગરમજોશીથી સ્વાગત કર્યું અને ભારતને પહેલીવાર મહિલા વર્લ્ડ કપ જીતાડવા બદલ દરેક ખેલાડીને અભિનંદન આપ્યા. વડાપ્રધાને ખેલાડીઓને કહ્યું કે તેઓએ માત્ર ટ્રોફી જ નહીં, પરંતુ દેશભરના કરોડો ભારતીયોના દિલ પણ જીતી લીધા છે.
Vice Captain Smriti Mandhana said PM had motivated them and has been an inspiration for all of them. She also spoke about how girls are doing well in all fields today, and it is because of PM. Deepti Sharma said she had been waiting to meet the PM. She recalled their meeting in… pic.twitter.com/ONSrGYZcwv
— ANI (@ANI) November 5, 2025
ભારતીય મહિલા ટીમે ગત રવિવારે સાઉથ આફ્રિકાને 52 રનથી હરાવીને પ્રથમ વખત વર્લ્ડ કપ ટ્રોફી પોતાના નામે કરી હતી. આ ઐતિહાસિક જીત પછી દેશભરમાં ઉત્સાહ અને ગૌરવનો માહોલ જોવા મળ્યો હતો. ટીમની મુલાકાત દરમિયાન વડાપ્રધાને ખેલાડીઓની મહેનત, સમર્પણ અને ટીમ સ્પિરિટની પ્રશંસા કરી અને કહ્યું કે દેશની દીકરીઓએ સાબિત કર્યું છે કે જો હિંમત હોય તો કોઈ સપનું અશક્ય નથી. તેમણે ટીમને ભવિષ્યમાં વધુ સિદ્ધિઓ હાંસલ કરવાની શુભેચ્છા પાઠવી અને કહ્યું કે આ વિજય ભારતીય મહિલા ખેલકૂદ માટે નવા યુગની શરૂઆત છે.
કેપ્ટન હરમનપ્રીત કૌરએ આ અવસરે પોતાની લાગણીઓ વ્યક્ત કરતાં કહ્યું, “અમે 2017માં પણ વડાપ્રધાન મોદીજીને મળ્યા હતા, પરંતુ ત્યારે અમે ટ્રોફી વગર ગયા હતા. આજે અમે ટ્રોફી લઈને આવ્યા છીએ, અને આશા છે કે આગળ પણ આવી જીતો બાદ ફરી વડાપ્રધાનજીને મળવાનું ભાગ્ય મળે.” હરમનપ્રીતના આ શબ્દો પર વડાપ્રધાન અને ખેલાડીઓ વચ્ચે હળવો હાસ્ય અને ખુશીનો માહોલ સર્જાયો.
Prime Minister Narendra Modi today hosted the champions of the Women’s World Cup at his residence at Lok Kalyan Marg.
PM congratulated the team for the victory and praised their remarkable comeback in the tournament after a string of three defeats and the trolling they had… pic.twitter.com/5TYxNMEafK
— ANI (@ANI) November 5, 2025
તે જ રીતે, વાઈસ કેપ્ટન સ્મૃતિ મંધાનાએ પણ કહ્યું કે વડાપ્રધાન હંમેશા ખેલાડીઓને પ્રોત્સાહિત કરે છે. “મોદીજીની ઉર્જા અને પ્રેરણા અમને નવી દિશા આપે છે. તેમણે જે રીતે દેશની મહિલાઓ અને યુવતીઓને આત્મવિશ્વાસ આપ્યો છે, તેનાથી આજની પેઢી દરેક ક્ષેત્રમાં આગળ વધી રહી છે,” એમ સ્મૃતિએ જણાવ્યું.
મુલાકાત બાદ ખેલાડીઓએ વડાપ્રધાન સાથે ટ્રોફી સાથેના ફોટા લીધા, જે સોશિયલ મીડિયા પર ઝડપથી વાયરલ થયા. દેશભરમાં ચેમ્પિયન મહિલા ટીમ માટે અભિનંદન અને ગૌરવના સંદેશાઓની લહેર ફેલાઈ છે. બાદમાં ટીમ તાળીઓના ગડગડાટ અને કડક સુરક્ષા વચ્ચે પોતાની હોટેલ પરત ફરી, જ્યાંથી મોટાભાગના ખેલાડીઓ પોતાના વતન જવા રવાના થયા. આ મુલાકાતે માત્ર મહિલા ક્રિકેટ માટે જ નહીં, પણ સમગ્ર ભારતીય રમતજગત માટે એક નવી પ્રેરણાદાયી ક્ષણ સર્જી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
