ગોવામાં જિલ્લા પંચાયતની ચૂંટણીમાં ભાજપ–MGP (NDA) ગઠબંધનની જીત બાદ પ્રધાનમંત્રી નરેન્દ્ર મોદીએ ખુશી વ્યક્ત કરી અને ગોવાની જનતાનો આભાર માન્યો. પીએમ મોદીએ કહ્યું કે “ગોવા સુશાસનની સાથે ઊભું છે, ગોવા પ્રગતિશીલ રાજકારણની સાથે ઊભું છે. જિલ્લા પંચાયતની ચૂંટણીમાં ભાજપ–MGP (NDA) પરિવારને મજબૂત સમર્થન આપવા બદલ હું ગોવાના મારા ભાઈઓ અને બહેનોનો દિલથી આભાર માનું છું.
આ પરિણામો ગોવાના વિકાસ માટેના આપણા પ્રયાસોને વધુ મજબૂત બનાવશે. અમે આ અદ્ભુત રાજ્યના લોકોના સપના અને આકાંક્ષાઓને સાકાર કરવા માટે સંપૂર્ણ રીતે પ્રતિબદ્ધ છીએ.” તેમણે આગળ જણાવ્યું કે NDAના મહેનતુ કાર્યકરોએ જમીનસ્તર પર પ્રશંસનીય કામગીરી કરી છે, જેના કારણે આ સફળતા મળી છે.
Goa stands with good governance.
Goa stands with progressive politics.
I thank my sisters and brothers of Goa for blessing the BJP–MGP (NDA) family with strong support in the Zilla Panchayat elections. This will add more vigour to our efforts for Goa’s growth. We are committed… https://t.co/rRI3vidqNc
— Narendra Modi (@narendramodi) December 22, 2025
બીજી તરફ, ગોવાના મુખ્યમંત્રી પ્રમોદ સાવંતે પણ ભાજપની જીતને ઐતિહાસિક ગણાવી અને કહ્યું કે “ગોવામાં ભાજપ નંબર વન છે. ગોવાના લોકોએ ભાજપ પર વિશ્વાસ મૂકીને અમને પ્રચંડ વિજયના આશીર્વાદ આપ્યા છે, તેના માટે હું તેમનો આભાર માનું છું.” તેમણે ભાજપ–MGP (NDA) ગઠબંધનના તમામ નવા ચૂંટાયેલા જિલ્લા પંચાયત સભ્યોને અભિનંદન પાઠવ્યા અને કહ્યું કે આ મજબૂત જનાદેશ પ્રધાનમંત્રી મોદીના નેતૃત્વ હેઠળની ડબલ એન્જિન સરકારમાં લોકોના વિશ્વાસને સ્પષ્ટ રીતે દર્શાવે છે.
સાથે જ તેમણે કાર્યકરોની મહેનતની પ્રશંસા કરી અને વિશ્વાસ વ્યક્ત કર્યો કે ભાજપના નેતૃત્વ હેઠળનું ગઠબંધન ગોવામાં સર્વાંગી વિકાસને વેગ આપશે, પારદર્શક અને જવાબદાર શાસનને વધુ મજબૂત બનાવશે તથા વિકસિત ગોવા અને વિકસિત ભારતના લક્ષ્ય તરફ આગળ વધશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
