બજેટ સત્ર દરમિયાન સંસદના બંને ગૃહોમાં રાજકીય તણાવ વધતા લોકસભામાં ભારે હોબાળો જોવા મળ્યો હતો. ગડબડ અને વિરોધ વચ્ચે આજે લોકસભામાં રાષ્ટ્રપતિના અભિભાષણ પર આભાર પ્રસ્તાવ ધ્વનિમતથી પસાર કરવામાં આવ્યો. નોંધનીય છે કે લગભગ 22 વર્ષ બાદ આવો પ્રસંગ બન્યો છે જ્યારે વડાપ્રધાનના જવાબી ભાષણ વિના જ આભાર પ્રસ્તાવ પસાર થયો હોય, જેના કારણે સમગ્ર ઘટનાક્રમ રાજકીય ચર્ચાનું કેન્દ્ર બની ગયો છે.
લોકસભા સ્પીકર ઓમ બિરલાએ સમગ્ર ઘટનાને લઈને મહત્વપૂર્ણ નિવેદન આપ્યું હતું. તેમણે જણાવ્યું કે સંસદમાં સર્જાયેલી પરિસ્થિતિને ધ્યાનમાં રાખીને તેમણે વડાપ્રધાન નરેન્દ્ર મોદીને ભાષણ ન આપવા સલાહ આપી હતી. તેમના મુજબ કોંગ્રેસના કેટલાક સાંસદો પહેલેથી જ સ્પીકરની ખુરશી આસપાસ ઘેરાવ કરીને ઉભા હતા, જેના કારણે સદનમાં અપ્રિય ઘટના સર્જાવાની શક્યતા હતી. ઓમ બિરલાએ કહ્યું કે તેઓ ખૂબ દુખ સાથે કહે છે કે કેટલાક સભ્યો દ્વારા થયેલો વ્યવહાર સંસદીય પરંપરાઓ માટે કલંક સમાન છે.
Before the House was adjourned for the day, Lok Sabha Speaker Om Birla today said, "The country saw what happened in the House yesterday. Everyone saw how the MPs approached the PM's chair in the House. I got information that any mishap could have happened. To ensure that such a… pic.twitter.com/itas47E1Bk
— ANI (@ANI) February 5, 2026
સ્પીકરના જણાવ્યા અનુસાર વડાપ્રધાન મોદી રાષ્ટ્રપતિના અભિભાષણ પર જવાબ આપવા તૈયાર હતા, પરંતુ તેમને માહિતી મળી હતી કે વિપક્ષી સાંસદો દ્વારા તણાવ વધારી શકાય છે. સુરક્ષા અને શાંતિ જળવાઈ રહે તે માટે તેમણે વડાપ્રધાનને સદનમાં ન આવવાની સલાહ આપી હતી, જેને વડાપ્રધાને સ્વીકારી હતી. સ્પીકરે ઉમેર્યું કે જો વડાપ્રધાન લોકસભામાં હાજર રહ્યા હોત તો પરિસ્થિતિ વધુ ગંભીર બની શકતી હતી.
આ દરમિયાન ન્યૂઝ એજન્સીના અહેવાલોમાં એવો દાવો કરવામાં આવ્યો હતો કે કોંગ્રેસના કેટલાક સાંસદો વડાપ્રધાન મોદી સામે આક્રમક વિરોધની યોજના બનાવી રહ્યા હતા. કેટલાક ભાજપ સાંસદો, જેમ કે મનોજ તિવારી અને કંગના રણૌતે પણ આરોપ લગાવ્યો કે મહિલા સાંસદોને આગળ રાખીને વિરોધ કરવાની તૈયારી હતી. જોકે આ આરોપોને લઈને રાજકીય પક્ષો વચ્ચે તીવ્ર વાકયુદ્ધ શરૂ થયું છે અને વિપક્ષ તરફથી અલગ દ્રષ્ટિકોણ પણ સામે આવી રહ્યો છે.
આ સમગ્ર ઘટનાએ સંસદીય પરંપરાઓ, સુરક્ષા વ્યવસ્થા અને રાજકીય શિસ્ત અંગે નવી ચર્ચા જગાવી છે. રાજકીય વિશ્લેષકોના મત અનુસાર આવો પ્રસંગ સંસદીય ઈતિહાસમાં દુર્લભ છે અને આવનારા દિવસોમાં આ મુદ્દે વધુ રાજકીય ગરમાવો જોવા મળી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
