ભારતની સ્ટાર શટલર PV Sindhu છેલ્લા કેટલાક દિવસોથી દુબઈમાં ફસાયા બાદ આખરે સહી-સલામત ભારત પરત ફરી ચૂક્યા છે. સિંધુએ સોશિયલ મીડિયા પ્લેટફોર્મ X પર પોસ્ટ શેર કરીને જણાવ્યું કે તેઓ બેંગલુરુમાં પોતાના ઘરે સુરક્ષિત પહોંચી ગયા છે.
ઓલ ઈંગ્લેન્ડ ઓપનનું સપનું અધૂરું
સિંધુ 3 માર્ચથી શરૂ થનારી પ્રતિષ્ઠિત All England Open Badminton Championships માં ભાગ લેવા માટે Birmingham જઈ રહ્યા હતા. પરંતુ મુસાફરી દરમિયાન મધ્ય પૂર્વમાં વધેલા તણાવને કારણે એરસ્પેસ બંધ થઈ જતા તેઓ 28 ફેબ્રુઆરીથી Dubai એરપોર્ટ પર અટવાઈ ગયા હતા.
Back home in Bangalore and safe 🙏
The last few days have been intense and uncertain, but I’m truly grateful to be back to my house. A heartfelt thank you to the incredible ground teams, Dubai authorities, airport staff, immigration, and every single person who stepped up and…
— Pvsindhu (@Pvsindhu1) March 3, 2026
પોતાની પોસ્ટમાં સિંધુએ લખ્યું, “છેલ્લા કેટલાક દિવસો ખૂબ જ મુશ્કેલ અને અનિશ્ચિતતાભર્યા રહ્યા, પરંતુ હવે ઘરે પરત ફરીને હું સૌની આભારી છું.” ભારત પરત ફરવાને કારણે હવે તેઓ આ વર્ષે ઓલ ઈંગ્લેન્ડ ઓપનમાં ભાગ લઈ શકશે નહીં.
દુબઈ એરપોર્ટ સ્ટાફનો આભાર
સિંધુએ મુશ્કેલ સમયમાં મળેલી સહાય બદલ દુબઈ ઓથોરિટીની પ્રશંસા કરી હતી. તેમણે જણાવ્યું કે દુબઈ એરપોર્ટનો સ્ટાફ, ઇમિગ્રેશન અને ગ્રાઉન્ડ ટીમે સંકટની સ્થિતિમાં ઉત્તમ સહકાર આપ્યો.
હવે સિંધુ થોડો સમય આરામ કરીને આગામી ટૂર્નામેન્ટ માટે તૈયારી કરશે.
હવે નજર Lakshya Sen પર
સિંધુ ભલે બહાર થઈ ગયા હોય, પરંતુ ભારતના અન્ય શટલર Lakshya Sen અને Ayush Shetty સુરક્ષિત રીતે બર્મિંગહામ પહોંચી ગયા છે.
ઓલ ઈંગ્લેન્ડ ઓપનમાં હવે ભારતની આશા લક્ષ્ય સેન પર ટકેલી છે, જેમનો પ્રથમ મુકાબલો ચીનના દિગ્ગજ ખેલાડી Shi Yuqi સામે થવાનો છે.
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
