લોકસભામાં 10 ડિસેમ્બરના રોજ ચૂંટણી સુધારા મુદ્દે વ્યાપક ચર્ચા યોજાઈ હતી, જેમાં વિપક્ષ અને શાસક પક્ષ બંનેના અગ્રણી સાંસદોએ પોતાના મંતવ્યો વ્યક્ત કર્યા. ચર્ચા દરમિયાન વિપક્ષના નેતા રાહુલ ગાંધી, અખિલેશ યાદવ, ડિમ્પલ યાદવ, અસદુદ્દીન ઓવૈસી, રવિશંકર પ્રસાદ સહિતના નેતાઓએ EVM ને બદલે મતપત્રની પ્રણાલી અપનાવવાની માંગ અને મુખ્ય ચૂંટણી કમિશનરની નિમણૂક કરતી સમિતિમાં રાજ્યસભાના વિરોધ પક્ષના નેતા અને મુખ્ય ન્યાયાધીશને સામેલ કરવાની માંગ મૂક્યા હતા.
ચર્ચા પૂર્ણ થયા બાદ ગૃહમંત્રી અમિત શાહે લોકસભામાં જવાબ આપતા સ્પષ્ટ કર્યું કે SIR (Survey of India Register / મતદાર યાદીના સુધારા સંબંધિત મુદ્દા) પર સંસદમાં ચર્ચા થઈ શકે નહીં, કારણ કે આ ચૂંટણી પંચની પૂરતી જવાબદારી છે અને તે એક સ્વતંત્ર બંધારણીય સંસ્થા છે.
#WATCH | Speaking on electoral reforms, in Lok Sabha, Union HM Amit Shah says, "…For two days, we told the Opposition that this should be discussed later, after two Sessions. But they didn't relent. We agreed…Why did we say 'No'? There were two reasons for the 'No'. One, they… pic.twitter.com/pPBsnMg7BS
— ANI (@ANI) December 10, 2025
ગૃહમંત્રીએ કહ્યું કે સંસદના બે દિવસ ન ચાલવા પાછળ વિપક્ષે સંદેશ આપવાનો પ્રયાસ કર્યો કે સરકાર ચર્ચા ઇચ્છતી નથી, જ્યારે હકીકતમાં BJP અને NDA ક્યારેય ચર્ચાથી ભાગ્યા નથી. તેમણે જણાવ્યું કે સંસદ દેશની સૌથી મોટી પંચાયત છે અને દરેક મુદ્દે ચર્ચા કરવા સરકાર હંમેશા તૈયાર છે. પરંતુ SIR મુદ્દે ચર્ચા કરવી યોગ્ય નથી, કારણ કે આ કાર્ય ચૂંટણી પંચનું છે અને આ મુદ્દે જવાબ પણ ચૂંટણી પંચ જ આપી શકે.
અમિત શાહે વિપક્ષ દ્વારા SIRને લઈને કરવામાં આવેલા દાવાઓનો વિરોધ કરતા કહ્યું કે મતદાર યાદીમાં સુધારાની જવાબદારી માત્ર અને માત્ર ચૂંટણી પંચની છે અને મતદાર બનવા માટે ભારતનું નાગરિક હોવું બંધારણમાં સ્પષ્ટ રીતે નક્કી કરાયું છે. તેમણે ચૂંટણી સુધારાઓ અંગે ચર્ચાને સ્વાગત કર્યું, પરંતુ SIR મુદ્દે વિપક્ષે ખોટી દિશામાં ચર્ચાને ખેંચવાનો પ્રયાસ કર્યો હોવાનો આક્ષેપ કર્યો.
ગૃહમંત્રીએ અંતે જણાવ્યું કે સરકાર ચૂંટણી સુધારા સહિત દરેક મુદ્દે પારદર્શક અને વ્યાપક ચર્ચા માટે પ્રતિબદ્ધ છે, પરંતુ બંધારણીય સંસ્થાઓની જવાબદારીઓમાં રાજકીય હસ્તક્ષેપ ન થવો જોઈએ.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
