એલોન મસ્કની માલિકી ધરાવતા સોશિયલ મીડિયા પ્લેટફોર્મ X (પૂર્વે ટ્વિટર) અને વૈશ્વિક ઇન્ટરનેટ ઇન્ફ્રાસ્ટ્રક્ચર પ્રદાતા ક્લાઉડફ્લેરએ મંગળવાર સાંજે વિશ્વભરમાં મોટી તકનિકી ખામી (આઉટેજ) નોંધાવી. અંદાજે સાંજે 5 વાગ્યાની આસપાસ બંને પ્લેટફોર્મ અચાનક ડાઉન થઈ ગયા, જેના કારણે કરોડો યુઝર્સને સેવા મેળવવામાં ભારે મુશ્કેલીનો સામનો કરવો પડ્યો.
ડાઉનડિટેક્ટર (Downdetector) પર હજારો રિપોર્ટ નોંધાયા જેમાં લોકો X ખોલતા પેજ સતત “Refresh” અથવા “Something went wrong” બતાવતું હોવાનું જણાવાયું. એપ્લિકેશન તથા વેબ બંને વર્ઝનમાં લોગિન, ફીડ લોડ થવા, પોસ્ટ દેખાવા અને નોટિફિકેશન જેવી સુવિધાઓ સંપૂર્ણ રીતે બંધ થઈ ગઈ હતી.
બીજી તરફ ક્લાઉડફ્લેરની સર્વિસમાં ખામી આવતા હજારો વેબસાઇટ્સ પણ પ્રભાવિત થઈ. ઘણી વેબસાઇટ્સ ખોલતાં “Host Error” અથવા “Connection Timed Out” જેવી ભૂલો દેખાઈ રહી હતી. ક્લાઉડફ્લેર ડાઉન હોવાથી અનેક વપરાશકર્તાઓ Downdetector પર આવીને સમસ્યાઓ વિશે માહિતગાર થયા હતા.
તકનિકી નિષ્ણાતો મુજબ, ક્લાઉડફ્લેરમાં થયેલા મોટા લેવલના નેટવર્ક ઈશ્યૂના કારણે X સહિત અન્ય અનેક વેબસાઇટ્સ પર અસર થઈ હોઈ શકે છે, કારણ કે વિશ્વના મોટા ભાગના વેબ ટ્રાફિકનું માર્ગદર્શન ક્લાઉડફ્લેર સંભાળે છે.
આઉટેજનું સાચું કારણ હજુ સ્પષ્ટ થયું નથી, પરંતુ બંને કંપનીઓએ કહ્યું છે કે તેઓ મુદ્દાની તપાસ કરી રહી છે અને સેવાઓ જલદી પુનઃસ્થાપિત કરવામાં આવશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
