બિહાર વિધાનસભા ચૂંટણીમાં આરજેડી-કૉંગ્રેસ ગઠબંધનના પરાજય પછી લાલુ પ્રસાદ યાદવના પરિવાર રાજકારણમાં નવી ઉથલપાથલ સર્જાઈ છે. NDAને મળેલી ભવ્ય જીત બાદ પરિવારની અંદર મતભેદ ખુલ્લેઆમ સામે આવ્યા છે. સૌથી મોટો ઝટકો ત્યારે લાગ્યો જ્યારે લાલુ યાદવની પુત્રી રોહિણી આચાર્યે સોશિયલ મીડિયા મારફતે જાહેરાત કરી કે તેઓ માત્ર રાજકારણ છોડે છે એટલું જ નહીં, પરંતુ પરિવાર સાથેના તમામ સંબંધો પણ તોડી રહી છે. તેમની આ જાહેરાતે રાજકીય વર્તુળમાં મોટી ચર્ચા ઉભી કરી છે.
રોહિણીની સોશિયલ મીડિયા પોસ્ટમાં શું લખ્યું?
રોહિણીએ લખ્યું કે તેઓ હવે કોઈપણ પ્રકારની રાજકીય પ્રવૃત્તિમાં જોડાશે નહીં અને પરિવારથી સંપૂર્ણ અંતર રાખશે. તેમણે જણાવ્યું કે આ નિર્ણય સંજય યાદવ અને રમીઝના કહ્યા પર લેવામાં આવ્યો છે અને તેઓ તમામ દોષ પોતે સ્વીકારવા તૈયાર છે. રોહિણીની આ પોસ્ટ પરથી જણાઈ રહ્યું છે કે તેમના નિર્ણય પાછળ આંતરિક દબાણ, મતભેદ કે કોઈ ગંભીર વિવાદ કારણરૂપ હોઈ શકે છે.
I’m quitting politics and I’m disowning my family …
This is what Sanjay Yadav and Rameez had asked me to do …nd I’m taking all the blame’s
— Rohini Acharya (@RohiniAcharya2) November 15, 2025
તેજ પ્રતાપનો પહેલાનો બળવો
ચૂંટણી પહેલાં લાલુ પરિવારનો વિવાદ તેજ પ્રતાપ યાદવથી શરૂ થયો હતો, જેમણે પાર્ટીમાંથી અલગ પડી પોતાનો રાજકીય સંગઠન બનાવી લીધો હતો. તેજ પ્રતાપે પણ સંજય યાદવ પર ગંભીર રાજકીય દખલ અને ગોટાળો કરવાનો આરોપ મૂક્યો હતો. હવે રોહિણીના નિવેદન પછી સંજય યાદવનું નામ ફરી ચર્ચામાં આવ્યું છે, જે પરિવારના વિવાદને વધુ ગંભીર બનાવે છે.
રાજદમાં આંતરિક અસંતોષનો ઉફાન
ચૂંટણીના પરિણામો બાદ રાજદમાં નેતૃત્વ, વ્યૂહરચના અને આંતરિક વ્યવહાર અંગે પ્રશ્નો ઊભા થઈ રહ્યા છે. તેજસ્વી યાદવનું નેતૃત્વ, નજીકના લોકોની ભૂમિકા અને પરિવારની રાજકીય દિશા વિશે ચર્ચા વધુ તીવ્ર બની રહી છે. રોહિણી અને તેજ પ્રતાપ બંનેના નિવેદન અને નિર્ણયોથી સ્પષ્ટ થાય છે કે પરિવારની રાજકીય એકતા તૂટી રહી છે અને ભવિષ્યમાં પક્ષ પર તેની અસર જોવા મળી શકે છે.
આ સમગ્ર ઘટનાક્રમ રાજદ અને લાલુ પરિવાર માટે એક મોટા રાજકીય સંકટ તરીકે ઉભર્યો છે. હવે જોવાનું રહેશે કે લાલુ-રાબડી પરિવારમાં ફરી સમાધાન થાય છે કે રાજકીય વિભાજન વધુ ઊંડું બનશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
