ચીને તાઈવાનને ઘેરીને જમીન, દરિયા અને આકાશ સુધી વ્યાપક શક્તિ પ્રદર્શન શરૂ કરતાં પૂર્વ એશિયામાં તણાવ વધુ ઘેરો બન્યો છે. ચીને સ્પષ્ટ સંકેત આપ્યો છે કે તે તાઈવાનને નિશાન બનાવી શકે છે અને તેના માટે તાઈવાનની આસપાસના ટાપુઓ પર કબજો તથા નાકાબંધી જેવી પરિસ્થિતિનું રિહર્સલ કરવામાં આવી રહ્યું છે. ચીનની પીપલ્સ લિબરેશન આર્મીએ ‘જસ્ટિસ મિશન 2025’ નામે વિશાળ સૈન્ય કવાયત શરૂ કરી છે, જેમાં થલસેના, નૌસેના, વાયુસેના અને રૉકેટ ફોર્સને એકસાથે ઉતારવામાં આવી છે. આ યુદ્ધાભ્યાસ દરમિયાન લાઈવ-ફાયર ડ્રિલ્સ પણ કરવામાં આવી રહી છે, જે સ્થિતિને વધુ ગંભીર બનાવે છે. તાજેતરમાં અમેરિકાએ તાઈવાનને 11 અબજ ડોલરના હથિયારો આપવાની જાહેરાત કરી હતી, તેના થોડા જ દિવસોમાં ચીન દ્વારા આ કવાયત શરૂ કરાઈ છે. પરિણામે ચીન અમેરિકા પર ગુસ્સે થયું છે અને કેટલીક અમેરિકન સંરક્ષણ કંપનીઓ પર પ્રતિબંધો પણ લાદ્યા છે.
#LATEST Starting from December 29,🇨🇳the Chinese People's Liberation Army (PLA) Eastern Theater Command is dispatching its Army, Navy, Air Force and Rocket Force troops to conduct joint military drills code-named “Justice Mission 2025” (正义使命-2025) in the Taiwan Strait and… pic.twitter.com/3UmELtjgDq
— Shen Shiwei 沈诗伟 (@shen_shiwei) December 29, 2025
ચીનના સરકારી અખબાર ગ્લોબલ ટાઈમ્સ મુજબ, આ યુદ્ધાભ્યાસમાં ચાઈના કોસ્ટ ગાર્ડ મહત્વની ભૂમિકા ભજવી રહી છે. કોસ્ટ ગાર્ડે ‘તાઈવાન જલડમરુમધ્યમાં પેટ્રોલિંગ અને નિયંત્રણ’ નામની પોસ્ટ જાહેર કરી છે, જેમાં તાઈવાનની આસપાસ ઉત્તર, દક્ષિણ, પૂર્વ અને પશ્ચિમ દિશામાંથી ચીની જહાજો આગળ વધતા દર્શાવવામાં આવ્યા છે. ખાસ કરીને તાઈવાનના પૂર્વ ભાગને નાકાબંધી કરતું દૃશ્ય પોસ્ટરમાં દેખાડવામાં આવ્યું છે, જેના કારણે તાઈવાન અને આંતરરાષ્ટ્રીય સમુદાયમાં ચિંતા વધી છે. ચીને એમ્ફીબિયસ ફોર્સ પણ તાઈવાનની ચારેતરફ તહેનાત કરી છે અને બ્લોકેડ જેવા અભ્યાસ હાથ ધર્યા છે. ચીનની સેનાએ કડક શબ્દોમાં ચેતવણી આપતા કહ્યું છે કે, “આઝાદીનું ષડયંત્ર રચનારા તમામ લોકો આ ઢાલ સામે ટકી શકશે નહીં.”
The China Coast Guard released an illustration of its vessel task forces’ law enforcement patrol off Taiwan island, showing its 1302 Formation, 1306 Formation, 2203 Formation, and 2204 Formation weave a tight blockade around the northern, eastern, southern, and southwestern areas… pic.twitter.com/6VwSqC27Bs
— Global Times (@globaltimesnews) December 29, 2025
બીજી તરફ, તાઈવાન આ પરિસ્થિતિથી એલર્ટ પર છે. તાઈવાન મીડિયા મુજબ, ચીનના ઈસ્ટર્ન થિયેટર કમાન્ડ દ્વારા યુદ્ધાભ્યાસની જાહેરાત થતાં જ તાઈવાને પોતાની તમામ સેનાઓને હાઈએલર્ટ પર રાખવાનો આદેશ આપ્યો છે. તાઈવાનના સંરક્ષણ મંત્રાલયે જણાવ્યું છે કે, ચીનના વિમાનો અને યુદ્ધજહાજોની તાઈવાન આસપાસની ગતિવિધિઓ પર સતત નજર રાખવામાં આવી રહી છે અને મિસાઈલ સિસ્ટમ પણ તહેનાત કરવામાં આવી છે. તાઈવાનના રાષ્ટ્રપતિ ભવનએ ચીનના આ પગલાંને આંતરરાષ્ટ્રીય નિયમોનું ઉલ્લંઘન ગણાવી ટીકા કરી છે.
ચીન લાંબા સમયથી તાઈવાનને પોતાનો અવિભાજ્ય ભાગ ગણાવે છે અને શાંતિપૂર્ણ રીતે એકીકરણની વાત કરે છે, પરંતુ સાથે જ બળપ્રયોગની ખુલ્લી ધમકી પણ આપે છે. તાઈવાનના રાષ્ટ્રપતિ લાઈ ચિંગ તેના નિવેદન બાદ બંને વચ્ચેનો વિવાદ વધુ તીવ્ર બન્યો છે, જેના કારણે સમગ્ર વિસ્તારમાં યુદ્ધના એંધાણ જેવી સ્થિતિ સર્જાઈ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
