સુપ્રીમ કોર્ટે આધારને લઈને મોટો નિર્ણય સંભળાવ્યો છે. દેશની સર્વોચ્ચ અદાલતે સ્પષ્ટ કર્યું છે કે આધારને ઉંમર માટે પૂરતો દસ્તાવેજ ગણી શકાય નહીં. આ સાથે સુપ્રીમ કોર્ટે પંજાબ અને હરિયાણા હાઇકોર્ટના તે આદેશને પણ ફગાવી દીધો હતો, જેમાં રોડ અકસ્માત પીડિતને વળતર આપવા માટે ઉંમર નક્કી કરવા માટે આધાર કાર્ડને સ્વીકારવામાં આવ્યું હતું.
જસ્ટિસ સંજય કરોલ અને ઉજ્જલ ભુયાની બેંચે કહ્યું કે જુવેનાઇલ જસ્ટિસ એક્ટ, 2015 ની કલમ 94 હેઠળ મૃતકની ઉંમર શાળા છોડવાના પ્રમાણપત્રમાં ઉલ્લેખિત જન્મ તારીખથી નક્કી થવી જોઈએ.
ખંડપીઠે કહ્યું કે અમને જાણવા મળ્યું છે કે 20 ડિસેમ્બર 2018ના રોજ ઈલેક્ટ્રોનિક્સ અને ઇન્ફર્મેશન ટેકનોલોજી મંત્રાલય દ્વારા જારી કરાયેલ ઓફીસ મેમોરેન્ડમના સંદર્ભમાં યુનિક આઈડેન્ટિફિકેશન ઓથોરિટી ઓફ ઇન્ડિયાએ તેના પરિપત્ર નંબર 8/2023 દ્વારા જણાવ્યું છે કે આધાર કાર્ડ, જો કે ઓળખ સ્થાપિત કરવા માટે તારીખનો ઉપયોગ કરી શકાય છે, પરંતુ જન્મ તારીખનો પુરાવો નથી.
હાઈકોર્ટે શું આપ્યો નિર્ણય?
MACT, રોહતકે રૂપિયા 19.35 લાખનું વળતર આપ્યું હતું, જે હાઇકોર્ટ દ્વારા ઘટાડી રૂપિયા 9.22 લાખ કરવામાં આવ્યું હતું કારણ કે તેને જાણવા મળ્યું હતું કે MACT એ વળતર નક્કી કરતી વખતે ખોટી રીતે ઉંમરની ગણતરી કરી હતી. હાઈકોર્ટે મૃતકના આધાર કાર્ડ પર આધાર રાખીને તેની ઉંમર 47 વર્ષ હોવાનું અનુમાન કર્યું હતું.
MACT નો નિર્ણય
અકબંધ જ્યારે ઉંમર નક્કી કરવાની વાત આવી ત્યારે સર્વોચ્ચ અદાલતે તેની સમક્ષ દાવેદારો- અપીલકર્તાઓની દલીલો સ્વીકારી હતી. આ સાથે મોટર એક્સિડન્ટ ક્લેમ ટ્રિબ્યુનલ (MACT)ના નિર્ણયને પણ યથાવત રાખવામાં આવ્યો હતો. MACT એ તેના શાળા છોડવાના પ્રમાણપત્રના આધારે મૃતકની ઉંમરની ગણતરી કરી હતી. સુપ્રીમ કોર્ટ 2015માં માર્ગ અકસ્માતમાં મૃત્યુ પામેલા વ્યક્તિના પરિવારજનો દ્વારા દાખલ કરવામાં આવેલી અપીલની સુનાવણી કરી રહી હતી.
