કેન્દ્રીય કાયદા મંત્રી કિરેન રિજિજુએ સત્તાવાર રીતે જાહેરાત કરી છે કે સંસદનું શિયાળું સત્ર 1 ડિસેમ્બર 2025થી શરૂ થશે અને 19 ડિસેમ્બર 2025 સુધી ચાલશે. રાષ્ટ્રપતિ દ્રૌપદી મુર્મૂએ સરકારના પ્રસ્તાવને મંજૂરી આપતા આ સત્ર બોલાવ્યું છે. રિજિજુએ સોશિયલ મીડિયા પ્લેટફોર્મ ‘X’ પર પોસ્ટ કરીને જણાવ્યું કે, “અમે એક અર્થપૂર્ણ શિયાળું સત્રની આશા રાખીએ છીએ, જે લોકશાહી મજબૂત બનાવશે અને લોકોની આકાંક્ષાઓ પૂર્ણ કરશે.”
Union Minister of Parliamentary Affairs, Kiren Rijiju, tweets, "The President of India, Droupadi Murmu ji has approved the proposal of the Government to convene the Winter Session of Parliament from 1st December 2025 to 19th December 2025 (subject to exigencies of Parliamentary… pic.twitter.com/gJ0F42HIDE
— ANI (@ANI) November 8, 2025
આ સત્ર અગાઉના સત્રોની તુલનામાં ટૂંકું પરંતુ રાજકીય રીતે ઉગ્ર રહેવાની સંભાવના છે. એક તરફ આવનારા બજેટ સત્રની તૈયારી ચાલી રહી છે, તો બીજી તરફ, આ સત્રમાં બિહાર વિધાનસભા ચૂંટણીના પરિણામો, ઓપરેશન સિંદૂર, અને સ્પેશિયલ ઈન્ટેન્સિવ રિવિઝન (SIR) જેવા મુદ્દાઓ પર વિપક્ષ તરફથી ભારે હોબાળો થવાની શક્યતા છે.
ચોમાસુ સત્ર, જે 21 જુલાઈથી 21 ઑગસ્ટ 2025 સુધી ચાલ્યું હતું, તેમાં કુલ 21 બેઠકઓ યોજાઈ હતી — જેમાં રાજ્યસભામાં 15 અને લોકસભામાં 12 બિલો પસાર થયા હતા. એ સત્ર દરમિયાન પણ વિપક્ષે અનેક રાષ્ટ્રીય મુદ્દાઓ પર સરકારને ઘેરવાનો પ્રયાસ કર્યો હતો.
આગામી શિયાળુ સત્ર દરમિયાન 12 રાજ્યો અને કેન્દ્રશાસિત પ્રદેશોમાં ચાલી રહેલી SIR પ્રક્રિયાને લઈને વિપક્ષ સરકારને નિશાન બનાવી શકે છે. અગાઉ 2013નું શિયાળું સત્ર ફક્ત 14 દિવસ ચાલ્યું હતું, તેથી આ વર્ષનું 19 દિવસનું સત્ર તુલનાત્મક રીતે લાંબું ગણાય છે.
સરકાર આ વખતના સત્રમાં મહત્ત્વપૂર્ણ કાયદાકીય સુધારાઓ આગળ ધપાવવાની યોજના ધરાવે છે. તેમાં ખાસ કરીને ‘પબ્લિક ટ્રસ્ટ બિલ’ અને ‘ઈન્સોલ્વન્સી એન્ડ બેન્કરપ્સી બિલ’ જેવા મહત્વપૂર્ણ બિલોને પસાર કરવાનો પ્રયત્ન થશે.
આ રીતે, ડિસેમ્બરનું આ શિયાળું સત્ર દેશની રાજકીય અને કાયદાકીય એજન્ડાને નવી દિશા આપનારું સાબિત થઈ શકે છે, જ્યાં સરકાર વિકાસલક્ષી મુદ્દાઓ પર ધ્યાન કેન્દ્રિત કરશે અને વિપક્ષ રાજકીય રણનીતિ દ્વારા પોતાનું અસ્તિત્વ મજબૂત કરવાનો પ્રયાસ કરશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
