એલોન મસ્કે ફરી એક વખત એવું નિવેદન આપ્યું છે, જેના કારણે વૈશ્વિક સ્તરે ભારે ચર્ચા અને ચિંતાનો માહોલ સર્જાયો છે. પોતાના સોશિયલ મીડિયા પ્લેટફોર્મ X પર, એક યુઝરની પોસ્ટના જવાબમાં આપેલા મસ્કના ટૂંકા પરંતુ ગંભીર નિવેદનમાં તેમણે જણાવ્યું કે આગામી 5 થી 10 વર્ષમાં એટલે કે વધારેમાં વધારે 2030 સુધી એક મોટું યુદ્ધ લગભગ નિશ્ચિત છે, અને તે પરમાણુ યુદ્ધનું સ્વરૂપ પણ ધારણ કરી શકે છે. યુઝરે પોતાની પોસ્ટમાં લખ્યું હતું કે પરમાણુ શસ્ત્રોના અસ્તિત્વના કારણે વિશ્વની મોટી શક્તિઓ વચ્ચે સીધું યુદ્ધ શક્ય નથી, જેના કારણે સરકારોને કાર્યક્ષમ થવા માટે કોઈ બાહ્ય દબાણ નથી રહ્યું. પરંતુ મસ્કે આ વિચારને સંપૂર્ણપણે નકારીને સ્પષ્ટ શબ્દોમાં કહ્યું: “યુદ્ધ અનિવાર્ય થશે. 2030 સુધીમાં. પાંચ વર્ષ, વધુમાં વધુ દસ વર્ષ. બસ.”
જોકે મસ્કે પોતાનાં નિવેદનમાં ન તો કોઈ દેશનું નામ લીધું, ન કોઈ વિગતવાર કારણ આપ્યું, પરંતુ તેમના અગાઉના નિવેદનો અને વૈશ્વિક પરિસ્થિતિઓ પર કરેલી ટિપ્પણીઓનો સંદર્ભ લેવામાં આવે તો તેમની ચેતવણી વધુ સ્પષ્ટ અને ચિંતાજનક લાગે છે. તેઓ અગાઉ યુરોપ અને બ્રિટનમાં વધતી સામૂહિક સ્થળાંતર, ઓળખ આધારિત રાજનીતિ, અને સામાજિક વિભાજનની પરિસ્થિતિઓને ગૃહયુદ્ધ જેવી સ્થિતિઓ તરફ દોરી જશે એવી ચેતવણી આપી ચૂક્યા છે. ઉપરાંત, તાઇવાનને લઈને અમેરિકા–ચીન વચ્ચેનો તણાવ, અને રશિયા–યુક્રેન યુદ્ધનું વિસ્તરણ, વૈશ્વિક શક્તિઓની સીધી ટક્કર માટે માર્ગ તૈયાર કરી શકે છે. તેમના મત પ્રમાણે, આ તમામ પરિસ્થિતિઓનું સમૂહરૂપ ભવિષ્યમાં એક મોટા વૈશ્વિક યુદ્ધ તરફ દોરી શકે છે, જેમાં પરમાણુ હથિયારોનો ઉપયોગ થવાની શક્યતા નકારી શકાય તેમ નથી.
મસ્કના નિવેદન બાદ લોકોએ તેમના AI આધારિત ચેટબોટ ‘ગ્રોક’ પાસેથી વધુ સ્પષ્ટતા કરવાનો પ્રયાસ કર્યો. ગ્રોકે મસ્કના અગાઉના નિવેદનોનો ઉલ્લેખ કરીને સમજાવ્યું કે યુક્રેન યુદ્ધનું વ્યાપક સ્વરૂપ, તાઇવાન મુદ્દે મહાસત્તાઓ વચ્ચે વધતા તણાવ, અને યુરોપ, બ્રિટનમાં ઊભી થતી આંતરિક અસંતોષજનક પરિસ્થિતિ વિશ્વને અસ્થિરતા અને કદાચ એક વ્યાપક યુદ્ધ તરફ ધકેલી શકે છે. પરમાણુ પ્રતિરોધ થિયરી (MAD) હવે કદાચ અસરકારક નહીં રહે એવી મસ્કની ચેતવણી વધુ ચિંતાજનક છે. આથી, પ્રશ્ન એ પણ ઊભો થાય છે કે મસ્ક ફક્ત પોતાની રાજકીય–કૌટિલ્ય સમજ પરથી વાત કરી રહ્યા છે કે તેમની પાસે એવી કોઈ અગોચરી માહિતી છે જે સામાન્ય લોકોને ઉપલબ્ધ નથી. તેમના નિવેદને વિશ્વવ્યાપી ચર્ચા અને ચિંતાનો તોફાન ઊભું કર્યું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
