ઓક્ટોબર 2023 માં ગૂગલે પહેલીવાર Pixel 8 અને Pixel 8 Pro થી શરૂ કરીને ભારતમાં સ્થાનિક સ્તરે Pixel સ્માર્ટફોનનું ઉત્પાદન કરવાનો ઈરાદો જાહેર કર્યો હતો. હવે સમાચાર આવી રહ્યા છે કે ગૂગલે તમિલનાડુમાં સ્થાનિક સ્તરે Pixel સ્માર્ટફોન બનાવવા માટે iPhone નિર્માતા Foxconn સાથે ઉચ્ચ સ્તરીય વાતચીત શરૂ કરી છે. એપલે ભારતમાં iPhone બનાવવાનું શરૂ કર્યા બાદ હવે ગૂગલ પણ તેની લીડને અનુસરવા જઈ રહ્યું છે.
કંપની તેના Pixel ફોનનું ભારતમાં જ ઉત્પાદન કરવાની યોજના ધરાવે છે. આ માટે તેઓ આઈફોન મેન્યુફેક્ચરિંગ કંપની ફોક્સકોન સાથે કોન્ટ્રાક્ટ પર ઉચ્ચ સ્તરીય વાતચીત કરી રહ્યા છે. જો આમ થશે તો તે ભારત સરકારના ‘મેક ઇન ઇન્ડિયા’ અભિયાન માટે મોટી સફળતા હશે.
એવા સમાચાર છે કે ગૂગલ સ્થાનિક સ્તરે તમિલનાડુમાં Pixel સ્માર્ટફોન બનાવવા માંગે છે. આ માટે તે iPhone નિર્માતા કંપની ફોક્સકોન સાથે વાતચીત કરી રહી છે. ગૂગલ આ પગલું એવા સમયે ઉઠાવવા જઈ રહ્યું છે જ્યારે દુનિયાભરની સ્માર્ટફોન કંપનીઓ ભારત તરફ આગળ વધી રહી છે. તે જ સમયે, ભારતની સ્માર્ટફોન નિકાસ પણ સતત વધી રહી છે.
કંપની આ પ્લાન બનાવી રહી છે
ગૂગલની પેરેન્ટ કંપની આલ્ફાબેટ પણ તેની પેટાકંપની વિંગ એલએલસી દ્વારા રાજ્યમાં ડ્રોનનું ઉત્પાદન શરૂ કરશે. કંપની હાલમાં યુનાઇટેડ સ્ટેટ્સ, યુરોપ અને ઑસ્ટ્રેલિયાના વ્યવસાયોને હળવા વજનના, સ્વાયત્ત ડિલિવરી ડ્રોન્સના કાફલા દ્વારા ડ્રોન ડિલિવરી સેવા પૂરી પાડે છે. સૂત્રોએ જણાવ્યું હતું કે, રાજ્યના ઉદ્યોગ પ્રધાન ટીઆરબી રાજા અને અન્ય અધિકારીઓના નેતૃત્વમાં તમિલનાડુનું એક પ્રતિનિધિમંડળ થોડા અઠવાડિયા પહેલા યુનાઇટેડ સ્ટેટ્સમાં ગૂગલના અધિકારીઓને મળ્યું હતું.
જો કે, આના દ્વારા કેટલી નવી નોકરીઓનું સર્જન થશે તે હજુ જાહેર કરવામાં આવ્યું નથી. ગૂગલ દેશમાં પિક્સેલ સ્માર્ટફોન બનાવવા માટે સ્થાનિક કોન્ટ્રાક્ટ ઉત્પાદક ડિક્સન સાથે પણ વાટાઘાટો કરી રહ્યું છે, બહુવિધ મીડિયા અહેવાલો ગયા અઠવાડિયે બહાર આવ્યા હતા.
દર 7મો iPhone હવે ભારતમાં બને છે
આ વિકાસ ત્યારે થયો છે જ્યારે ગૂગલની હરીફ Apple ભારતમાં તેના ફ્લેગશિપ iPhone ઉપકરણોના સ્થાનિક ઉત્પાદનમાં ઝડપથી વધારો કરી રહી છે. બ્લૂમબર્ગના રિપોર્ટ અનુસાર, એપલે નાણાકીય વર્ષ 2024માં દેશમાં $14 બિલિયનના આઇફોનનું એસેમ્બલ કર્યું છે. કંપની હવે ભારતમાં લગભગ 14 ટકા અથવા 7માંથી 1 iPhone બનાવે છે.
ગૂગલની મેક ઇન ઇન્ડિયા યોજના
ગૂગલે પહેલીવાર ઓક્ટોબર 2023 માં Pixel 8 અને Pixel 8 Pro થી શરૂ કરીને ભારતમાં સ્થાનિક સ્તરે Pixel સ્માર્ટફોનનું ઉત્પાદન કરવાનો ઈરાદો જાહેર કર્યો હતો. તે સમયે, કોઈ ચોક્કસ માહિતી જાહેર કર્યા વિના, ગૂગલે કહ્યું હતું કે તે તેના પ્રીમિયમ સ્માર્ટફોનના સ્થાનિક ઉત્પાદન માટે સ્થાનિક અને આંતરરાષ્ટ્રીય ઉત્પાદકો સાથે ચર્ચા કરી રહ્યું છે. કંપનીએ કહ્યું હતું કે આ પહેલ તેમને સમગ્ર દેશમાં પિક્સેલ સ્માર્ટફોનને વધુ વ્યાપકપણે ઉપલબ્ધ કરવામાં મદદ કરશે, જેમાં પ્રથમ ઉપકરણો 2024 માં ક્યારેક લોન્ચ થવાની અપેક્ષા છે.
