કેન્દ્રીય મંત્રી કિરણ રિજિજૂએ આજે નવા મંત્રાલયનો કાર્યભાર સંભાળ્યો છે. તેઓ આજે સવારે 11 વાગે મંત્રાલયમાં પહોંચ્યા હતા. તેમણે કહ્યું કે, આ મંત્રાલય દેશના વિકાસમાં મોટું યોગદાન આપી શકે છે, જેને આગળ ધપાવવા હું કામ કરીશ અને લોકોને પણ જોડવાનો પ્રયાસ કરીશ. આ પ્રસંગે કિરણ રિજિજૂએ કહ્યું કે, ‘મને ઓશનોગ્રાફીમાં ખુબ જ રસ છે, આજ-કાલથી નહીં પણ સ્કૂલના જમાનાથી રસ છે. વડાપ્રધાનનો આભાર…’ ઉલ્લેખનિય છે કે, રિજિજૂને કાયદા મંત્રાલયમાંથી ખસેડી પૃથ્વી વિજ્ઞાન મંત્રાલયનો કાર્યભાર સોંપાયો છે. તેમના સ્થાને રાજસ્થાનના બીકાનેરના સાંસદ અર્જુન રામ મેઘલવાલને કાયદા મંત્રીનો કાર્યભાર સોંપાયો છે.
સુપ્રીમ કોર્ટ સાથે વિવાદ બાદ કિરણ રિજિજૂનું મંત્રાલય બદલાયું હોવાનું જણાવાઈ રહ્યું છે. રિજિજૂ ગત કેટલાક મહિનાઓથી સતત કોલેજિયમ અંગે વાત કરી રહ્યા હતા. તેઓ આ અંગે ઓપન ફોરમમાં પણ ખુલીને વાત કરી ચુક્યા છે. સુપ્રીમ કોર્ટ કૉલોજિયમ સિસ્ટમથી જજોની ચૂંટણી યોજવામાં આવે છે, જે મામલે કિરણે કહ્યું કે, આમાં સરકારની પણ ભાગીદારી હોવી જોઈએ.
તેમણે ટ્વીટ કરીને પણ આ અંગે જાણકારી આપી હતી. તેમણે કહ્યું કે, મેં આ મંત્રાલય વિશે જાણવાનો પ્રયાસ કર્યો. મને આ ખૂબ જ રસપ્રદ લાગ્યું. તે આજના સમયમાં પણ ખૂબ જ ઉપયોગી છે. અહીં આપણે ઘણું કામ કરી શકીએ છીએ. વડાપ્રધાન મોદીનો આભાર માનતા તેમણે એમ પણ કહ્યું કે, આ મંત્રાલય વિકસિત ભારતના સપનાને સાકાર કરવામાં મોટી ભૂમિકા ભજવી શકે છે.
રિજિજુએ જણાવ્યું કે, તેમને નાનપણથી જ ગૂગલ અર્થ ઓશનોગ્રાફીમાં રસ છે. તેઓ ઓશનોગ્રાફી જાણવા અને સમજવાનો પ્રયાસ કરી રહ્યા છે. તેમણે કહ્યું કે, સ્કૂલના સમયથી જ ઓશનોગ્રાફીનો ટ્રેન્ડ વિજ્ઞાન તરફ છે. તેમને આ મંત્રાલય મળ્યું છે, અહીં કામ કરવાની સારી તક છે. રિજિજુને ઉત્તર ભારતનો અવાજ કહેવામાં આવે છે. તેઓ નાની ઉંમરમાં સંસદસભ્ય બન્યા… વડાપ્રધાન પણ મોદીની નજીક આવ્યા… આ ફિલ્ડમાં પણ તેમની સારી પકડ છે.
