દેશમાં લોકશાહીનો મહાપર્વ ગણાતી વિધાનસભા ચૂંટણીની પ્રક્રિયા અંતર્ગત આજે આસામ, કેરળ અને કેન્દ્રશાસિત પ્રદેશ પુડુચેરીમાં સવારથી જ શાંતિપૂર્ણ રીતે મતદાન શરૂ થઈ ગયું છે. સવારે 7:00 વાગ્યાથી મતદારો ઉત્સાહભેર મતદાન મથકો પર પહોંચ્યા હતા અને લોકશાહીના આ ઉત્સવમાં ભાગ લીધો હતો.
આ ચૂંટણીમાં ત્રણેય પ્રદેશોની તમામ બેઠકો પર એક જ તબક્કામાં મતદાન યોજાયું છે. આસામની કુલ 126 બેઠકો, કેરળની 140 બેઠકો અને પુડુચેરીની 30 બેઠકો પર મતદાન ચાલી રહ્યું છે. કુલ મળીને 890 ઉમેદવારો મેદાનમાં છે, જેમના રાજકીય ભવિષ્યનો નિર્ણય આજે લાખો મતદારો કરશે.
મતદાન પ્રક્રિયાને સરળ અને સુરક્ષિત બનાવવા માટે Election Commission of India દ્વારા વિશેષ વ્યવસ્થાઓ કરવામાં આવી છે. દરેક મતદાન મથક પર સશસ્ત્ર પોલીસ બંદોબસ્ત ગોઠવવામાં આવ્યો છે, જેથી કોઈ અપ્રિય ઘટના ન બને. ભીડ નિયંત્રણ માટે મુખ્ય મથકોની સાથે સહાયક મતદાન કેન્દ્રોની વ્યવસ્થા પણ કરવામાં આવી છે.
ગરમીને ધ્યાનમાં રાખીને મતદારો માટે પીવાનું પાણી, છાંયો (શેડ) અને ખાસ કરીને દિવ્યાંગ મતદારો માટે રેમ્પ જેવી સુવિધાઓ ઉપલબ્ધ કરવામાં આવી છે. આ તમામ પગલાંઓ મતદારોને વધુ અનુકૂળ અને સરળ અનુભવ આપવા માટે લેવામાં આવ્યા છે.
મતદાન શરૂ થતા જ પ્રધાનમંત્રી નરેન્દ્ર મોદી એ સોશિયલ મીડિયા પ્લેટફોર્મ ‘X’ પર પોસ્ટ કરીને નાગરિકોને મતદાન માટે પ્રોત્સાહિત કર્યા હતા. તેમણે ખાસ કરીને યુવા મતદારોને લોકશાહીના આ પર્વમાં ભાગ લેવા અને વધુમાં વધુ સંખ્યામાં મતદાન કરવા માટે અપીલ કરી હતી.
Calling upon the people of Keralam to vote in large numbers in the 2026 Assembly elections. Record participation will add vigour to Keralam’s democratic spirit. I particularly request the youth and women of the state to step forward and vote in large numbers.
— Narendra Modi (@narendramodi) April 9, 2026
મતદાન પ્રક્રિયા આજે સાંજે 6:00 વાગ્યા સુધી ચાલુ રહેશે. ત્યારબાદ તમામ ઉમેદવારોનું રાજકીય ભવિષ્ય EVM માં સીલ થઈ જશે. આ ચૂંટણીના પરિણામો આગામી 4 મેના રોજ જાહેર કરવામાં આવશે, જે પછી સ્પષ્ટ થશે કે કયા પક્ષને સત્તા મળશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
