દિલ્હી પોલીસે દેશના સૌથી મહત્વપૂર્ણ ઐતિહાસિક સ્થળ લાલ કિલ્લાની સુરક્ષા વ્યવસ્થામાં ઘૂસણખોરીનો ગંભીર પ્રયાસ નિષ્ફળ બનાવ્યો છે. મળતી માહિતી મુજબ, 4 ઓગસ્ટના રોજ પાંચ બાંગ્લાદેશી નાગરિકોએ લાલ કિલ્લા સંકુલમાં બળજબરીથી પ્રવેશ કરવાનો પ્રયાસ કર્યો હતો. તે સમયે પરિસરમાં તહેનાત સુરક્ષા કર્મચારીઓએ શંકા આવતાં તાત્કાલિક તમામને કસ્ટડીમાં લઈ લીધા હતા. પૂછપરછમાં ખુલ્યું છે કે આ તમામ શખ્સો ગેરકાયદે રીતે ભારતમાં રહેતા બાંગ્લાદેશી છે અને તેમની ઉંમર 20 થી 25 વર્ષની વચ્ચે છે. તેઓ દિલ્હીમાં મજૂરી કરે છે અને તેમની પાસેથી બાંગ્લાદેશી દસ્તાવેજો પણ મળ્યા છે.
Delhi Police detained 5 Bangladeshi nationals who tried to enter the Red Fort premises. All of them are illegal immigrants. The age of all of them is around 20-25 years, and they work as labourers in Delhi. The Police have recovered some Bangladeshi documents from them. Nothing…
— ANI (@ANI) August 5, 2025
દિલ્હી પોલીસ હાલ તેમની પૂછપરછમાં લાગી ગઈ છે અને એ જાણવાનો પ્રયાસ કરી રહી છે કે લાલ કિલ્લા પરિસરમાં તેમનું ઉદ્દેશ્ય શું હતું, ખાસ કરીને ત્યારે જ્યારે 15મી ઓગસ્ટ પહેલા દિલ્હી અને ખાસ કરીને લાલ કિલ્લાની સુરક્ષા વ્યવસ્થા અત્યંત કડક રાખવામાં આવી છે. 15મી ઓગસ્ટે દેશના વડાપ્રધાન નરેન્દ્ર મોદી અહીંથી રાષ્ટ્રને સંબોધન કરશે, જેથી દરેક પ્રવેશદ્વાર અને સુરક્ષા પોઈન્ટ પર ચુસ્ત વ્યવસ્થા ગોઠવવામાં આવી છે. આવા સમયમાં ઘૂસણખોરીનો પ્રયાસ ખૂબ ગંભીર માનવામાં આવી રહ્યો છે.
આ બનાવની સાથે જોડાયેલ બીજા એક વિવાદાસ્પદ મામલે પણ કાર્યવાહી કરવામાં આવી છે. સુરક્ષા કવાયત હેઠળ જ્યારે દિલ્હીની સ્પેશિયલ સેલની ટીમ સિવિલ ડ્રેસમાં લાલ કિલ્લા પરિસરમાં પ્રવેશી હતી અને તેમની બેગમાં ડમી બોમ્બ હતો, ત્યારે ત્યાં હાજર પોલીસકર્મીઓ તેને ઓળખી ન શક્યા. આ મોટી સલામતીની ભૂલ બાદ 7 પોલીસકર્મીઓને તરત સસ્પેન્ડ કરવામાં આવ્યા છે.
Five Bangladeshi 'illegal Bangladeshi' held in Delhi, says police
Read @ANI Story | https://t.co/HyH2AWd3Qy#RedFort #ILLEGALimmigrants #BangladeshiBangladeshi pic.twitter.com/vidR5c5815
— ANI Digital (@ani_digital) August 5, 2025
આ તમામ ઘટનાઓ સરકારી એજન્સીઓ માટે ચેતવણીરૂપ છે કે આવતા દિવસોમાં ખાસ કરીને 15મી ઓગસ્ટ સુધી દેશભરમાં અને ખાસ કરીને દિલ્હી ખાતે ઉચ્ચતમ સતર્કતા જાળવવી જરૂરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
