Skip to content
રવિવાર, નવેમ્બર 22, 2026 Ahmedabad 26°C

અમદાવાદમાં આજે 70મો ફિલ્મફેર એવોર્ડ, 150થી વધુ બોલિવૂડ સ્ટાર્સ હાજર

અમદાવાદમાં આજે 70મો ફિલ્મફેર એવોર્ડ, 150થી વધુ બોલિવૂડ સ્ટાર્સ હાજર

ગુજરાતમાં સતત બીજીવાર પ્રતિષ્ઠિત 70મા ફિલ્મફેર એવોર્ડ સમારોહનું આયોજન શનિવારે અમદાવાદના કાંકરિયા ખાતે આવેલા ટ્રાન્સ્ટેડિયમમાં થવાનું છે. આ ભવ્ય ઇવેન્ટ માટે બોલિવૂડના 150થી વધુ જાણીતા કલાકારો અમદાવાદ આવી પહોંચ્યા છે, જેમાં શાહરૂખ ખાન, અક્ષય કુમાર, અભિષેક બચ્ચન, ક્રિતી સેનન, અનન્યા પાંડે, રાજકુમાર રાવ, સિદ્ધાંત ચતુર્વેદી, વિક્રાંત મેસી અને તમન્ના ભાટિયા જેવા સ્ટાર્સનો સમાવેશ થાય છે.

આ કાર્યક્રમ માત્ર ફિલ્મફેર એવોર્ડનો જ ઉત્સવ નથી, પરંતુ ગુજરાતને સાંસ્કૃતિક, ફિલ્મી અને સ્પોર્ટ્સ હબ તરીકે વૈશ્વિક સ્તરે પ્રતિષ્ઠિત કરવાના પ્રયાસનો એક ભાગ છે. ગુજરાત સરકાર આ ઇવેન્ટ દ્વારા રાજ્યને 2036 ઓલિમ્પિક યજમાન બનવાની દાવેદારીમાં મજબૂત સ્થાન અપાવવા ઈચ્છે છે.

સવારના સમયે ફિલ્મ સ્ટાર્સની ખાસ એક્ટિવિટીઓ યોજાશે. અભિનેતા અક્ષય કુમાર વડાપ્રધાન નરેન્દ્ર મોદીના વતન વડનગરની મુલાકાત લીધી, જ્યાં તેઓ મોદીના જન્મસ્થળ, ઐતિહાસિક વડનગર મ્યુઝિયમ અને પ્રેરણા સ્કૂલની મુલાકાત લઈને ત્યાંના વિકાસ અને વારસાને જાણ્યા. બીજી તરફ, શાહરૂખ ખાન, અભિષેક બચ્ચન, ક્રિતી સેનન અને અનન્યા પાંડે જેવા કલાકારો નારણપુરા સ્પોર્ટ્સ કોમ્પલેક્સની મુલાકાત લે તેવી શક્યતા છે, જ્યાં હાલ એશિયન એક્વેટિક વોટર પૂલ ટુર્નામેન્ટ ચાલી રહી છે. આ મુલાકાતોનો હેતુ ગુજરાતના સ્પોર્ટ્સ ક્ષેત્રના વિકાસ અને પ્રચાર-પ્રસારને પ્રોત્સાહન આપવાનો છે.

ફિલ્મફેર એવોર્ડના આ સમારોહમાં ગુજરાતના મુખ્યમંત્રી ભૂપેન્દ્ર પટેલ સહિત અનેક મંત્રીઓ ઉપસ્થિત રહેશે. કાર્યક્રમનું સંચાલન શાહરૂખ ખાન, કરણ જોહર અને મનીષ પોલ કરશે. સમગ્ર સમારોહને ગ્રાન્ડ, ગ્લેમરસ અને ટેક્નોલોજીકલ રીતે અદ્યતન બનાવવા માટે ટ્રાન્સ્ટેડિયમમાં વિશાળ સ્ટેજ, લાઈટિંગ અને સાઉન્ડ સિસ્ટમ ગોઠવવામાં આવી છે.

ફિલ્મફેર સમારોહ માટે અમદાવાદ એરપોર્ટ પર ગઈ રાતથી જ ભારે ધમધમાટ જોવા મળ્યો હતો. લગભગ 15 ચાર્ટર ફ્લાઈટ્સ દ્વારા બોલિવૂડ સેલિબ્રિટીઓ અને ઉદ્યોગપતિઓ અમદાવાદ પહોંચ્યા હતા. એરપોર્ટથી હોટેલ અને સ્ટેડિયમ સુધી ખાસ સુરક્ષા વ્યવસ્થા ગોઠવાઈ છે.

ટ્રાન્સ્ટેડિયમમાં સમારોહ માટે 7 એન્ટ્રી ગેટ્સ બનાવવામાં આવ્યા છે, જેમાં VVIP અને VIP મહેમાનો માટે અલગ પ્રવેશદ્વાર છે. દર્શકો માટેની ટિકિટના દર રૂપિયા 5,000થી લઈને 50,000 સુધી રાખવામાં આવ્યા છે. રસપ્રદ રીતે, દરેક કેટેગરીને ગુજરાતના લોકપ્રિય સ્થળોના નામ આપવામાં આવ્યા છે — જેમ કે ₹5,000ની ટિકિટ માટે “સાપુતારા” અને ₹30,000થી ₹40,000ની ટિકિટ માટે “દ્વારકા” કેટેગરી.

પાર્કિંગ માટે પણ વિશાળ વ્યવસ્થા ગોઠવાઈ છે. એકા ક્લબ, કાંકરિયા આસપાસના 9 સ્થળો, મલ્ટીલેવલ પાર્કિંગ, ફૂટબોલ ગ્રાઉન્ડ, દેડકી ગાર્ડન અને કિડ્સ સિટી નજીકના પ્લોટો દર્શકો માટે ખુલ્લા રાખવામાં આવ્યા છે.

સરકારી તંત્ર દ્વારા ફિલ્મ સ્ટાર્સને અમદાવાદ અને આસપાસના ટુરિઝમ તથા એડવેન્ચર સ્પોર્ટ્સ એક્ટિવિટીના સ્થળોની મુલાકાત કરાવીને “બ્રાન્ડ ગુજરાત”ને વૈશ્વિક સ્તરે મજબૂત ઓળખ અપાવવાનો પ્રયાસ થઈ રહ્યો છે. આ ઇવેન્ટ માત્ર ફિલ્મી ચમકધમક નહીં પરંતુ ગુજરાતના કલ્ચર, આર્ટ, સ્પોર્ટ્સ અને ઇન્ફ્રાસ્ટ્રક્ચર ડેવલપમેન્ટની શક્તિ દર્શાવવાનું મંચ બનશે.

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Ahmedabad Gujarat

Share this story

Latest News

View all
All latest news

Explore Districts

News from every corner of Gujarat.