બોલિવૂડની સ્પષ્ટવક્તા કંગના રનૌત ભલે તેના નિવેદનોને લઈને વિવાદોમાં ફસાયેલી હોય, પરંતુ તેનું પ્રદર્શન દરેક વખતે લોકોના મોં બંધ કરી દે છે. કંગના તેના શબ્દો અને તેના કામથી દરેકને યોગ્ય જવાબ આપે છે. છેલ્લા ઘણા દિવસોથી કંગના તેની આગામી ફિલ્મ ઈમરજન્સીને લઈને ચર્ચામાં હતી. આ ફિલ્મમાં કંગના પોતે ઈન્દિરા ગાંધીનું મહત્ત્વનું પાત્ર ભજવી રહી છે.
A protector or a Dictator? Witness the darkest phase of our history when the leader of our nation declared a war on it’s people.
🔗 https://t.co/oAs2nFWaRd#Emergency releasing worldwide on 24th November pic.twitter.com/ByDIfsQDM7
— Kangana Ranaut (@KanganaTeam) June 24, 2023
કંગના રનૌતની ‘ઇમરજન્સી’નો પહેલો ટીઝર પ્રોમો રિલીઝ થઈ ગયો છે. પહેલીવાર કંગના પોતે એકલી ફિલ્મનું નિર્દેશન કરી રહી છે. આ ફિલ્મ દ્વારા કંગના લીડ ડાયરેક્ટર પણ બની છે. જો કે આ પહેલા તેણે મણિકર્ણિકામાં કો-ડિરેક્ટર બનીને ડિરેક્શનની કમાન પણ સંભાળી હતી. કંગનાએ તેના ઈન્સ્ટાગ્રામ પર ફિલ્મની રિલીઝ ડેટ જાહેર કરી છે. ટીઝરની સાથે એ પણ કહેવામાં આવ્યું છે કે આ ફિલ્મ 24 નવેમ્બર 2023ના રોજ સિનેમાઘરોમાં રિલીઝ થશે.
અનુપમ ખેરના અવાજથી શરૂ થયેલું ટીઝર કંગનાના ઈન્દિરાના સંવાદ સાથે સમાપ્ત થાય છે. કંગનાના લુકની સાથે-સાથે તેની બોલવાની રીત પણ ઈન્દિરા ગાંધી જેવી છે. તેને જોઈને અને સાંભળીને લોકોને ફિલ્મ પાસેથી ઘણી આશાઓ મળી છે. ટીઝરમાં કંગનાનો ડાયલોગ છે કે, મને આ દેશની રક્ષા કરતા કોઈ રોકી નહીં શકે. કારણ કે ઈન્ડિયા ઈઝ ઈન્દિરા અને ઈન્દિરા ઈઝ ઈન્ડિયા. કંગનાના અવાજમાં આ ડાયલોગ સાંભળીને લોકોના રૂવાડાં ઉભા થઈ જાય છે.
ટીઝરની શરૂઆત અખબારમાં બતાવવામાં આવેલા ફોટોગ્રાફ્સ અને હેડલાઇન્સથી થાય છે. જ્યાં વિરોધ કરી રહેલા લોકો પર ગોળીઓ ચલાવતા દર્શાવવામાં આવ્યા છે. લોકોના હાથમાં બેનરો દેખાડવામાં આવ્યા છે જેના પર લખવામાં આવ્યું છે કે, સરમુખત્યારશાહી બંધ કરવી પડશે.
