સાક્ષરભૂમિ નડિયાદ હવે રમતગમત ક્ષેત્રમાં પણ આગળ વધી રહ્યું છે. તાજેતરમાં પોર્ટુગલ ખાતે યોજાનાર અન્ડર-13 આંતરરાષ્ટ્રીય ફુટબોલ સ્પર્ધામાં નડિયાદના 3 બાળકોએ ભાગ લીધો છે. જે ટીમના કોચ સહિત 9 સભ્યોની ટીમ પોર્ટુગલ જવા રવાના થઈ છે.
વડોદરા ફૂટબોલ એકેડમી દ્વારા પોર્ટુગલ ખાતે યોજાનાર અન્ડર 13 આંતરરાષ્ટ્રીય ફૂટબોલ સ્પર્ધામાં ભાગ લેવા માટે નવ સભ્યોની ટીમ રવાના થઈ છે.
આ ટીમમાં નડિયાદના ત્રણ બાળકો પસંદગી પામીને રાષ્ટ્રીય કક્ષાએ જિલ્લાનું નામ રોશન કરીને ગૌરવ વધાર્યું છે. ફૂટબોલની ટીમમાં જીયાન સોની, દક્ષ, વંશ, એમીલ, લક્ષ અને હિતાર્થનો સમાવેશ થાય છે. જેમાંથી 3 બાળકો નડિયાદના છે. આ ફૂટબોલ ટીમ સાથે કોચ તરીકે સંદીપભાઈ દેસાઈ તથા નીતુબેન જોડાયા છે. બાળકોના ભાવિ સફળતા માટે નગરજનો દ્વારા હાર્દિક શુભેચ્છાઓ પાઠવવામાં આવી હતી.
