ભારતમાં 2014માં લોકસભા ચૂંટણી દરમિયાન કોલસા કૌભાંડના પડઘા સમ્પૂર્ણ દેશમાં ગુંજ્યા હતા. આજથી આઠ વર્ષ પહેલા એટલે કે 2015માં ભારતના પૂર્વ વડાપ્રધાન મનમોહન સિંહ દ્વારા આ જ મામલે એક અરજી દાખલ કરવામાં આવી હતી. આ મામલે હવે આઠ વર્ષની લાંબી રાહ બાદ તેમની અરજી પર સુપ્રીમ કોર્ટમાં સુનાવણી થવા જઈ રહી છે. આ બાબત આજે નોંધવામાં આવી હતી.
ટ્રાયલ કોર્ટના આદેશને મનમોહન સિંહ દ્વારા પડકારવામાં આવ્યો હતો
ટ્રાયલ કોર્ટના માર્ચ 2015ના આદેશને મનમોહન સિંહ દ્વારા પડકારવામાં આવ્યો હતો, જેમાં તેમને કોલસાના બ્લોકની કથિત અનિયમિત ફાળવણીના કેસમાં આરોપી તરીકે સમન્સ પાઠવવામાં આવ્યું હતું. જોકે, સુપ્રીમ કોર્ટે 1 એપ્રિલ, 2015ના રોજ સમન્સના આદેશ પર રોક લગાવી દીધી હતી. આ મામલાની સુનાવણી ચીફ જસ્ટિસ ડીવાય ચંદ્રચુડ, જસ્ટિસ જેબી પારડીવાલા અને જસ્ટિસ મનોજ મિશ્રાની બેન્ચ સમક્ષ થશે. પૂર્વ કેન્દ્રીય કોલસા સચિવ પીએસ પારખ દ્વારા દાખલ કરવામાં આવેલી અરજી પર પણ સુનાવણી કરવામાં આવશે.
કોલસા બ્લોક ફાળવણીના કેસમાં સીબીઆઈએ ક્લોઝર રિપોર્ટ દાખલ કર્યો હતો
કોલસા બ્લોક ફાળવણીના કેસમાં સીબીઆઈએ ક્લોઝર રિપોર્ટ દાખલ કર્યો હતો, પરંતુ દિલ્હીની એક ટ્રાયલ કોર્ટે તે સમયે કહ્યું હતું કે મનમોહન સિંહ, જેઓ તે સમયે કોલસા મંત્રાલયનો હવાલો સંભાળતા હતા, ઉદ્યોગપતિ કુમાર મંગલમ બિરલા અને અન્ય લોકોનું નામ પ્રથમદર્શી પુરાવાના આધારે આરોપી તરીકે લેવું જોઈએ. જસ્ટિસ વી ગોપાલ ગૌડાની આગેવાની હેઠળની સુપ્રીમ કોર્ટની બેન્ચે 1 એપ્રિલ, 2015ના રોજ સમન્સના આદેશ પર રોક લગાવી દીધી હતી. તેમજ મનમોહન સિંહની અરજી પણ સ્વીકારવામાં આવી હતી.
કપિલ સિબ્બલની દલીલથી સુનવણી પર લાગી હતી રોક
કપિલ સિબ્બલની રજૂઆત સાથે સંમત થતાં, CJI દત્તુની આગેવાની હેઠળની બેન્ચે તાત્કાલિક સુનાવણી માટે શોર્ટલિસ્ટ કરાયેલા કેસોમાંથી મનમોહન સિંહની અરજીને દૂર કરવાનો આદેશ આપ્યો હતો. ખંડપીઠે કહ્યું હતું કે, મનમોહન સિંહની અરજી સુનાવણી માટે ત્યારે જ સૂચિબદ્ધ કરવામાં આવશે જ્યારે તેમના વકીલ CBI અને કેન્દ્ર દ્વારા દલીલો પૂર્ણ કર્યા પછી અને પૂર્વ વડા પ્રધાન દ્વારા જવાબો દાખલ કરવા પર આઉટ ઑફ ટર્ન સુનાવણીની માંગ કરશે.
આ સુનવણી બાબતે મનમોહન સિંહનું નિવેદન
તેમની અરજીમાં મનમોહન સિંહે કહ્યું હતું કે, હાલની અરજી કાયદાના પર મહત્વના પ્રશ્નો ઉભા કરે છે, જેમાં ભ્રષ્ટાચાર નિવારણ અધિનિયમ હેઠળ સરકારી કાર્યો અને ફોજદારી કાર્યવાહી વચ્ચેના આંતરપ્રક્રિયા અંગે સુપ્રીમ કોર્ટ પાસેથી અધિકૃત ચુકાદાની માંગ કરવામાં આવી રહી છે.
