મથુરામાં કૃષ્ણજન્મભૂમિ અને ઈદગાહ વિવાદ પણ વધુ ચગવા લાગ્યો છે. આ દરમિયાન મથુરામાં રેલવેની જમીન પરથી અતિક્રમણ હટાવવાનો મામલો સુપ્રીમકોર્ટ પહોંચ્યો હતો. જેના પર સુનાવણી હાથ ધરતાં સુપ્રીમકોર્ટે આ અતિક્રમણ હટાવવા પર 10 દિવસનો સ્ટે આપી દીધો હતો. એટલે કે હવે 10 દિવસ સુધી તંત્ર દ્વારા દબાણ હટાવવાની કોઈ કામગીરી નહીં કરી શકાય. આ મામલે હવે આગામી સુનાવણી 1 અઠવાડિયા બાદ કરવામાં આવશે.
Supreme Court puts on hold for 10 days the demolition drive by Railway authorities to clear encroachment near Krishna Janmabhoomi in Mathura.
SC ordering status quo on demolition drive, also issues notice to Centre on plea against demolition and posts case after one week. pic.twitter.com/DILQDwtpYn
— ANI (@ANI) August 16, 2023
અતિક્રમણ શ્રીકૃષ્ણ જન્મભૂમિની નજીકમાં આવેલું છે
માહિતી અનુસાર રેલવે દ્વારા આ અતિક્રમણ હટાવવાની કામગીરી કરવામાં આવી રહી હતી. જેમાં અસંખ્ય મકાનો તોડી પાડવામાં આવ્યા હતા. આ મામલે સુપ્રીમકોર્ટે સુનાવણી કરી હતી અને સ્ટે આપી દીધો હતો. આ અતિક્રમણ શ્રીકૃષ્ણ જન્મભૂમિ અને ઈદગાહ મસ્જિદની નજીકમાં જ આવેલ છે. સુપ્રીમકોર્ટે આ મામલે કેન્દ્ર સરકારને પણ નોટિસ ફટકારી અને રેલવેને પણ નોટિસ મોકલી જવાબ માગ્યો છે. સાથે જ યથાસ્થિતિ જાળવી રાખવાનો આદેશ કર્યો હતો.
