આવતા વર્ષે પેરિસમાં ઓલિમ્પિક ગેમ્સ નું આયોજન થવા જઈ રહ્યું છે. આ માટે જોરશોરથી તૈયારીઓ પણ શરૂ કરી દેવામાં આવી છે. ઓલિમ્પિકમાં ભાગ લેવા જઇ રહેલા ખેલાડીઓ પણ ખૂબ જ ઉત્સાહિત છે. ખેલાડીઓએ પણ તેમની તૈયારીઓ પણ પૂરજોશમાં ચાલી રહી છે. જો કે તે પહેલા જ રમતોનું આયોજન કરનાર કંપની મુશ્કેલીમાં મુકાઇ છે.
ફ્રાન્સની રાજધાનીમાં ઓલિમ્પિક ગેમ્સનું ભવ્ય આયોજન થવાનું છે અને રમત જગત તેના માટે સંપૂર્ણ રીતે તૈયાર છે. જોકે પેરિસ ઓલિમ્પિક ગેમ્સને આડે લગભગ એક વર્ષ બાકી છે, પરંતુ તેની સંસ્થાને લગતી સમસ્યાઓ એક વર્ષ પહેલા જ ઉભી થવા લાગી છે. તેને લગતો એક ચોંકાવનારો કિસ્સો સામે આવ્યો છે.
આયોજકો, ઇવેન્ટ મેનેજમેન્ટ કંપનીઓને ત્યાં દરોડા
પેરિસ ઓલિમ્પિક 2024ના સંગઠન સાથે જોડાયેલી ચોંકાવનારી ઘટના સામે આવી છે. ફ્રેન્ચ તપાસકર્તાઓ અને પોલીસે આગામી વર્ષની ઓલિમ્પિક ગેમ્સના આયોજકો અને ઇવેન્ટ મેનેજમેન્ટ કંપનીઓ પર દરોડા પાડ્યા હતા. ઓલિમ્પિક ગેમ્સના ઉદ્ઘાટન સમારોહના આયોજનમાં આ આયોજકો અને ઇવેન્ટ મેનેજમેન્ટ કંપનીઓની ભૂમિકા હોય છે.
શા માટે રેડ કરવામાં આવી?
પેરિસ ઓલિમ્પિક 2024ના આયોજકો અને ઈવેન્ટ મેનેજમેન્ટ ફર્મ પર દરોડા પાડવાનું કારણ પણ સામે આવ્યું છે. ઉદ્ઘાટન સમારોહના કોન્ટ્રાક્ટ આપવામાં પક્ષપાત કરવાના આરોપમાં તેમના પર દરોડા પાડવામાં આવ્યા છે.
હેડક્વાર્ટર પર પણ દરોડા
અગાઉ પોલીસે પેરિસ ઓલિમ્પિક 2024 માટે બનાવવામાં આવેલા હેડક્વાર્ટર પર પણ દરોડા પાડ્યા હતા. આ વર્ષે જ 20 જૂને પોલીસે પેરિસ ઓલિમ્પિક 2024 માટે બનાવવામાં આવેલા હેડક્વાર્ટર પર દરોડા પાડ્યા હતા અને ઓલિમ્પિક્સની ઓર્ગેનાઈઝિંગ કમિટીએ આ અંગે માહિતી આપી હતી. જો કે પેરિસ ઓલિમ્પિક 2024 મુખ્યાલય દ્વારા માહિતી આપવામાં આવી હતી કે તેમણે આ દરોડામાં પોલીસને સહકાર આપ્યો હતો.
