BIMSTECના આગામી મહાસચિવ બન્યા ઇન્દ્રમણિ પાંડે, પ્રથમ વખત કોઈ ભારતીયને મળી જવાબદારી

બે ઓફ બંગાળ ઈનિશિએટિવ ફોર મલ્ટી સેક્ટરલ ટેકનિકલ એન્ડ ઈકોનોમિક કોઓપરેશન (BIMSTEC)ના નવા મહાસચિવની આજે નિયુક્તિ કરવામાં આવી છે. જેમાં પહેલી વખત કોઈ ભારતીયના ખભા પર જવાબદારી સોંપવામાં આવી છે. ઈન્દ્રમણિ પાંડેની BIMSTECના મહાસચિવ તરીકે નિમણૂક કરવામાં આવી છે. તેમણે ખુશી વ્યક્ત કરતા આ સમાચાર શેર કરતા કહ્યું કે, બાંગ્લાદેશ, ભૂતાન, ભારત, મ્યાનમાર, નેપાળ, શ્રીલંકા અને થાઈલેન્ડનો સમાવેશ કરતી બંગાળની ખાડીની મુખ્ય પ્રાદેશિક સંસ્થા BIMSTECના મહાસચિવ તરીકે મારી નિમણૂકએ મારા માટે ખૂબ જ આનંદની વાત છે.

My immense gratitude to Prime Minister @narendramodi & External Affairs Minister @DrSJaishankar for entrusting me with prestigious and challenging assignment of Secretary General of BIMSTEC, the key Regional Organization in Bay of Bengal @BimstecInDhaka @MEAIndia @AmbVMKwatra pic.twitter.com/LB0kqrcK1I

— Amb. Indramani Pandey, IFS (@IndraManiPR) October 21, 2023

BIMSTECનું મુખ્યાલય ઢાકામાં છે. જેમાં બાંગ્લાદેશ, ભૂતાન, ભારત, મ્યાનમાર, નેપાળ, શ્રીલંકા અને થાઈલેન્ડ જેવા દેશોનો સમાવેશ થાય છે. નવી જવાબદારી મળવા પર, ઇદ્રમણિ પાંડેએ BIMSTECના મહાસચિવની પ્રતિષ્ઠિત અને પડકારજનક જવાબદારી સોંપવા બદલ વડાપ્રધાન નરેન્દ્ર મોદી અને વિદેશ મંત્રી એસ જયશંકરનો આભાર વ્યક્ત કર્યો છે.