જિલ્લા કાનૂની સેવા સત્તા મંડળ, જીલ્લા ન્યાયાલય, ખેડા- નડીઆદના ચેરમેન અને મુખ્ય જિલ્લા ન્યાયાધીશ એન એ અંજારીઆની સૂચના અને માર્ગદર્શન અનુસાર ફુલ ટાઈમ સેક્રેટરી ડી બી. જોષીના નેતૃત્વ હેઠળ તાલુકા કાનૂની સેવા સમિતિ, સિનિયર સિવિલ કોર્ટ, કપડવંજના ચેરમેન અને પ્રિન્સિપાલ સિનિયર સિવિલ જજ સી.એન.દેસાઈ દ્વારા મફત કાનૂની સેવા-સહાય અને શિક્ષણની જાણકારી તમામ નાગરિકો સુધી પહોચે તે હેતુસર જનજાગૃતિ અને પ્રચાર-પ્રસારની સઘન અને અસરકારક કામગીરી થાય તે માટે સમયાંતરે અને નિયમિત રૂપે કાનૂની શિક્ષણના વિવિધ કાર્યક્રમોનું આયોજન કરવામાં આવે છે, જેના ભાગરૂપે આજ રોજ તા.૦૪/૦૧/૨૦૨૪ ના રોજ “WORLD BRAILIE DAY વિશ્વ બ્રેઈલી દિન” ની ઉજવણી અંતર્ગત શ્રી વી.એસ.ગાંધી ચેરીટેબલ ટ્રસ્ટ,કપડવંજના સહયોગથી શ્રી વી.એસ.ગાંધી અંધજન મંડળ,કપડવંજ ખાતે મફત અને સક્ષમ કાનૂની સેવાઓ વિશેની માહિતી આપવાના હેતુસર એક વિશેષ જનજાગૃતિ કાર્યક્રમનું આયોજન કરવામાં આવ્યું હતું.
આ કાર્યક્રમમાં તાલુકા કાનૂની સેવા સમિતિ, સિનિયર સિવિલ કોર્ટ, કપડવંજ ના લીગલ આસીસટન્ટ પી.કે. સોલંકી દ્વારા પ્રજ્ઞાચક્ષુ દિવ્યાંગો માટે આશીર્વાદરૂપ બ્રેઈલ લિપિના સર્જક એવા લુઈસ બ્રેઈલના માનમાં આજનો “WORLD BRAILLE DAY વિશ્વ બ્રેઈલી દિન” વિશે તથા લીગલ એડવોકેટ એફ.એન.મીઝા તથા જે.બી.મારવાડી દ્વારા મફત અને સક્ષમ કાનૂની સહાય વિષય પર વિશેષ સમજ અને જાણકારી આપવામાં આવી હતી.
આ કાર્યક્રમ શ્રી વી.એસ.ગાંધી ચેરીટેબલ ટ્રસ્ટ, કપડવંજના સી.ઓ ભરતભાઈ દ્વારા શ્રી વી.એસ.ગાંધી અંધજન મંડળ, કપડવંજના આશીર્વાદ અને પરવાનગીથી કરવામાં આવ્યો હતો.જેનું સમગ્ર સંચાલન અને વ્યવસ્થા તાલુકા કાનૂની સેવા સત્તા મંડળ, સિનિયર સિવિલ કોર્ટ, કપડવંજનાં લીગલ આસીસટન્ટ પરેશ સોલંકી દ્વારા કરવામાં આવ્યું હતું.જેમાં શ્રી વી.એસ.ગાંધી ચેરીટેબલ ટ્રસ્ટ, કપડવંજ ટ્રસ્ટી ડો.હરીશ કુંડલીયા,સી.ઓ. ભરતભાઈ તથા શ્રી વી.એસ.ગાંધી ચેરીટેબલ ટ્રસ્ટ, શ્રી વી.એસ.ગાંધી અંધજન મંડળ, કપડવંજ ખાતેના તમામ કર્મચારીગણ અને અભ્યાસ માટે હાજર દિવ્યાંગ બાળકો તથા નાગરિકો સહિત ફુલ-45 વ્યક્તિઓએ હાજર રહીને આ કાર્યક્રમને સફળ બનાવ્યો હતો.
