તમે ઘણી વાર ફિલ્મોમાં ‘ગોરિલ્લા ‘નું પાત્ર જોયું જ હશે, પરંતુ શું તમે જાણો છો કે બજારની દુનિયામાં પણ ‘ગોરિલ્લા’ છે. ઘણી વખત તમે ગોરિલ્લા કંપની અથવા ગોરિલ્લા ઇન્વેસ્ટિંગ વિશે પણ સાંભળ્યું હશે. શું તમે જાણો છો કે રિલાયન્સ ઈન્ડસ્ટ્રીઝ અને અદાણી ગ્રુપ પણ ખરેખર ‘ગોરિલ્લા’ છે. ચાલો આખી વાત સમજીએ…
ગોરિલ્લા કંપની એટલે શું?
બજારમાં ગોરિલ્લા એ વાસ્તવિક ગોરિલ્લા (વાનરની પ્રજાતિ) નો સંદર્ભમાં બોલવામાં આવતુ નથી. તેનો ઉપયોગ તે કંપની અથવા રોકાણકારો માટે થાય છે જે તેની લાક્ષણિકતા ધરાવે છે. તેથી બજારમાં, ગોરિલ્લા કંપનીને કહેવામાં આવે છે જે તેના સેગમેન્ટ અથવા ઉદ્યોગમાં પ્રભુત્વ ધરાવે છે, પરંતુ તેની પાસે માર્કેટની કમ્પલિટ મોનોપોલી નથી હોતી.
રિલાયન્સ અને અદાણી ગોરિલ્લા જેવા છે
હવે જો આપણે આને રિલાયન્સ અથવા અદાણી જૂથના સંદર્ભમાં સમજવા માગીએ, તો આપણે સમજી શકીએ કે રિલાયન્સ જિયો અથવા રિલાયન્સ રિટેલ તેમના સેગમેન્ટમાં પ્રબળ કંપનીઓ છે. પરંતુ રિલાયન્સ જિયો હજુ પણ ભારતી એરટેલની સ્પર્ધાનો સામનો કરી રહી છે અને રિલાયન્સ રિટેલ ટાટા ગ્રૂપની આકરી સ્પર્ધાનો સામનો કરી રહી છે.
તેવી જ રીતે અદાણી ગ્રૂપ ખાદ્યતેલ અને સિમેન્ટ જેવા વ્યવસાયોમાં પ્રબળ ખેલાડી છે, પરંતુ આ ક્ષેત્રમાં તેની ઈજારો નથી. ખાદ્ય તેલના સેગમેન્ટમાં, તે ઘણી સ્થાનિક બ્રાન્ડ્સ તરફથી અને બિરલા ગ્રૂપના સિમેન્ટ બિઝનેસમાં પડકારનો સામનો કરે છે.
તેનાથી તમને કેવી રીતે ફાયદો થાય છે?
‘ગોરિલ્લા’ કંપનીઓનો માર્કેટમાં ઈજારો ભલે ન હોય, પરંતુ તેમનું કદ એટલું મોટું છે કે તેઓ માર્કેટમાં ઘણા નાના ખેલાડીઓને સાઇડલાઇન કરવાની હિંમત ધરાવે છે. આટલું જ નહીં તેના પ્રભાવને કારણે તે તેના ઉદ્યોગમાં તેના પોતાના મુજબના ભાવને નિયંત્રિત કરે છે. આ કંપનીઓ ઈચ્છિત વ્યાજે મૂડીની વ્યવસ્થા પણ કરી શકે છે.
જો કે આ કંપનીઓ શેરધારક માટે ખૂબ ફાયદાકારક સાબિત થાય છે. તેમના કદને કારણે, આ કંપનીઓ બજારના ઉતાર-ચઢાવને સરળતાથી સહન કરી શકે છે અને લાંબા ગાળામાં તેમના શેરધારકો માટે સારો નફો કમાઈ શકે છે.
