નોર્થ ઈસ્ટના સૌથી જૂના વિદ્રોહી દળમાંથી એક યૂનાઇટેડ લિબરેશન ફ્રંટ પામ્બેઈ (UNLF-P) નાં 34 કેડરોએ આસમ રાઇફલ્સ સામે શુક્રવારે સરેન્ડર કરી દીધું છે.
અધિકારીઓના જણાવ્યા પ્રમાણે, આ બધા 34 વિદ્રોહી મ્યાનમારથી મણિપુરમાં ઘૂસવાની કોશિશ કરી રહ્યા હતા. આ દરમિયાન આસામ રાઇફલ્સે તેમને રોક્યા. જવાનો પર હુમલો કરવાની જગ્યાએ તેમણે સરેન્ડર કરવાનું ઠીક સમજ્યું.
ઓટોમેટિક હથિયારોથી સજ્જ આ વિદ્રોહિઓની તેમની મ્યાનમારના પ્રતિદ્વંદ્વિઓ સાથે ગોળીબાર ચાલી રહ્યો હતો. આ ગોળીબારથી બચવા માટે આ લોકોએ મણિપુર આવવાની કોશિશ કરી હતી.
આસામ રાઇફલ્સે શુક્રવારે રાતે લગભગ 9 વાગ્યે બધા વિદ્રોહીઓને ટેંગ્નૌપાલ પોલીસને સોંપી દીધા. તેના પછી તેમને ઇમ્ફાલ મોકલી દીધા છે. હાલ વિદ્રોહીઓને ઇમ્ફાલમાં ક્યા રાખવામાં આવ્યા છે તેની જાણકારી આપવામાં આવી નથી.
મ્યાનમારમાં બળવાખોરોને તાલીમ આપવામાં આવે છે
UNLF-P એ 29 નવેમ્બર 2023ના રોજ કેન્દ્ર અને મણિપુર સરકાર સાથે યુદ્ધવિરામ કરાર પર હસ્તાક્ષર કર્યા હતા. UNLF સહિત નોર્થ ઈસ્ટમાં મોટાભાગના બળવાખોર જૂથોએ મ્યાનમારમાં તેમના ઠેકાણા જાળવી રાખ્યા છે. તેઓ ભારતમાંથી કેડરની ભરતી કરે છે અને મ્યાનમારમાં કેમ્પ સ્થાપીને તેમને તાલીમ આપે છે. આ બળવાખોર જૂથોના માસ્ટરમાઇન્ડ પણ ઘણીવાર મ્યાનમારથી કામ કરે છે.
છેલ્લા કેટલાક દિવસોથી આ બળવાખોરોને ભારત તરફ ભાગી જવાની ફરજ પડી છે. મીડિયા રિપોર્ટ્સ અનુસાર, આનું કારણ મ્યાનમારમાં સૈન્ય શાસન છે. ચૂંટાયેલી સરકારને બરખાસ્ત કર્યા બાદ આ બળવાખોરો મણિપુરમાં ઘૂસણખોરી કરવાનો પ્રયાસ કરી રહ્યા છે.
બળવાખોરો આટલી સરળતાથી ભારતીય સરહદ કેવી રીતે ઓળંગી જાય છે?
યંગ મિઝો એસોસિએશનના સેક્રેટરી લલનુન્ટલુઆંગા કહે છે કે ભારત અને મ્યાનમારની સરહદેથી અહીં અને ત્યાં અવરજવર કરવી સરળ છે. સરહદની બંને તરફ 25 કિલોમીટર સુધી મુસાફરી કરવાની પરવાનગી છે. આવી સ્થિતિમાં મ્યાનમારથી લોકો સરળતાથી ભારત પહોંચી જાય છે.
મ્યાનમારમાં બળવા બાદ સેનાએ ઈમરજન્સી જાહેર કરી દીધી હતી
ફેબ્રુઆરી 2021માં મ્યાનમારમાં સેનાએ લોકશાહી સરકારને હટાવી દીધી અને સાસ્તા પર કબજો કર્યો. સ્ટેટ કાઉન્સેલર આંગ સાન સુ કી અને રાષ્ટ્રપતિ વિન મિન્ટ સહિત ઘણા નેતાઓની ધરપકડ કરવામાં આવી હતી.
આ પછી સૈન્ય નેતા જનરલ મીન આંગ હલાઈંગે પોતાને દેશના વડાપ્રધાન જાહેર કર્યા. સેનાએ દેશમાં 2 વર્ષની ઈમરજન્સી જાહેર કરી હતી. ત્યારથી મ્યાનમારમાં ગૃહયુદ્ધ ચાલી રહ્યું છે, જેના કારણે મોટી સંખ્યામાં લોકો વિસ્થાપિત થયા છે. મિઝોરમ પોલીસના જણાવ્યા અનુસાર, છેલ્લા કેટલાક મહિનામાં ભારત-મ્યાનમાર સરહદની આસપાસ ગતિવિધિઓ વધી છે. મ્યાનમારના હજારો લોકો ભારતીય સરહદમાં પ્રવેશી રહ્યા છે.
