નાલંદા યુનિવર્સિટીના પુનરુત્થાનના પ્રસ્તાવને તત્કાલિન રાષ્ટ્રપતિ ડૉ. એપીજે અબ્દુલ કલામે બિહારની વિધાનસભામાં મૂક્યો હતો. વડાપ્રધાન મોદી 9 વર્ષ બાદ બુધવાર 19 જુને આનો શુભારંભ કરશે. બિહારની વિશ્વ પ્રસિદ્ધ નાલંદા યુનિવર્સિટી 825 વર્ષ બાદ ફરી ઈતિહાસ રચવા જઈ રહી છે. વડાપ્રધાન નરેન્દ્ર મોદી બુધવારે રાજગીરમાં તેના નવા કેમ્પસનું ઉદ્ઘાટન કરશે. સવારે 9.45 કલાકે પીએમ મોદી નાલંદાના તે ખંડેરોની પણ મુલાકાત લેશે. જે બખ્તિયાર ખિલજીએ તેની જીદને કારણે ખંડેર બનાવી દીધી હતી.
નાલંદા યુનિવર્સિટીનું પ્રાચીન કેમ્પસ તેની વિશાળ લાયબ્રેરી અને અદ્ભુત જ્ઞાન માટે પ્રખ્યાત હતું, પરંતુ તેને બખ્તિયાર ખિલજીએ તેને આગ લગાવી દીધી હતી. લાયબ્રેરી એટલી મોટી હતી કે તેમાં રાખેલા પુસ્તકો ત્રણ મહિના સુધી સળગતા રહ્યા. પાછળથી ખિલજી બિહારનો પ્રથમ મુસ્લિમ શાસક પણ બન્યો અને ધાર્મિક નેતાઓ અને બૌદ્ધ સાધુઓની હત્યા કરીને નાલંદા યુનિવર્સિટીને ખંડેર બનાવી દીધી.
નાલંદા યુનિવર્સિટીનું નવું કેમ્પસ પૂર્વ એશિયા સમિટ (EAS) દેશો અને ભારત વચ્ચેની સકારાત્મક પહેલ છે. ઉદ્ઘાટન સમારોહમાં 17 દેશોના મિશન વડાઓ અને પ્રતિષ્ઠિત નાગરિકો હાજરી આપશે.
નાલંદા યુનિવર્સિટી કેમ્પસમાં 40 વર્ગખંડો સાથેના બે શૈક્ષણિક બ્લોક છે. જ્યાં 1,900 વિદ્યાર્થીઓ અભ્યાસ કરી શકશે. 300-300 સીટર ક્ષમતાવાળા બે ઓડિટોરિયમ છે. 550 વિદ્યાર્થીઓ માટે હોસ્ટેલની વ્યવસ્થા પણ હશે. આ ઉપરાંત, કેમ્પસમાં આંતરરાષ્ટ્રીય કેન્દ્ર, 2,000 લોકોની ક્ષમતા ધરાવતું એમ્ફીથિયેટર, ફેકલ્ટી ક્લબ અને સ્પોર્ટ્સ કોમ્પ્લેક્સ પણ છે.
નાલંદા યુનિવર્સિટીનું કેમ્પસ સંપૂર્ણપણે ઇકો-ફ્રેન્ડલી છે. તેમાં સોલાર પ્લાન્ટ, ઘરેલું અને પીવાના પાણીના શુદ્ધિકરણ પ્લાન્ટની સાથે વેસ્ટ વોટર રિસાયક્લિંગ પ્લાન્ટ છે. તે 100 એકર જળાશયો અને અન્ય ઘણી ઇકો-ફ્રેન્ડલી સુવિધાઓ સાથેનું સંપૂર્ણ સ્વ-નિર્ભર કેમ્પસ છે.
મૂળ નાલંદા યુનિવર્સિટી, 1,600 વર્ષ પહેલાં સ્થપાયેલી, વિશ્વની પ્રથમ રહેણાંક યુનિવર્સિટી હતી. તેનું નવું કેમ્પસ પણ ઈતિહાસ સાથે ઘણું સંબંધિત છે. 2016 માં, નાલંદાના ખંડેરોને સંયુક્ત રાષ્ટ્રની હેરિટેજ સાઇટ જાહેર કરવામાં આવી. 28 માર્ચ, 2006 ના રોજ, તત્કાલિન રાષ્ટ્રપતિ એપીજે અબ્દુલ કલામે, બિહાર વિધાનસભાના સંયુક્ત સત્રને સંબોધિત કરતી વખતે, નાલંદા યુનિવર્સિટીને પુનર્જીવિત કરવાનું સૂચન કર્યું હતું.
એક વર્ષ પછી, બિહાર વિધાનસભાએ, તેમના સૂચનને અનુસરીને, નવી યુનિવર્સિટીના નિર્માણ માટે નાલંદા યુનિવર્સિટી બિલ-2010 પસાર કર્યું. 21 ઓગસ્ટ 2010ના રોજ રાજ્યસભામાં અને 26 ઓગસ્ટ 2010ના રોજ લોકસભામાં તેની મંજૂરી પછી, રાષ્ટ્રપતિએ 21 સપ્ટેમ્બર 2010ના રોજ આ કાયદો બહાર પાડ્યો. નાલંદા યુનિવર્સિટી સત્તાવાર રીતે 25 નવેમ્બર 2010 ના રોજ સ્થાપના કરવામાં આવી હતી.
