નડિયાદ શહેરમાં ધોળે દિવસે ફાયરિંગની ઘટના સામે આવી છે, જેને લઈ શહેરમાં ચકચાર મચી જવા પામી છે, આ અંગે નડિયાદ ટાઉન પોલીસે તપાસ હાથ ધરી છે.
પ્રાપ્ત માહિતી અનુસાર, નડિયાદ શહેરમાં ધોળે દિવસે એકલા રહેતા વૃદ્ધા પર ફાયરિંગની ઘટના પ્રકાશમાં આવી છે. વૃદ્ધા પોતાના ઘરે કપડાં લેવા ગેલેરીમાં પહોંચ્યા અને હાથમાં કાંડા પર ઝટકો લાગ્યો હતો. પ્રથમ તો વૃદ્ધાને કંઈ ખબર ન પડી બાદમાં ઓપરેશન કરાવતા બે હાથના કાંડાના ઘા પરથી ગોળી કાઢી છે. સમગ્ર મામલે વૃદ્ધા દ્વારા નડિયાદ ટાઉન પોલીસ મથકમાં ફરિયાદ નોંધાવવામાં આવી છે, જેને આધારે પોલીસે ગુનો નોંધી કાર્યવાહી હાથ ધરી છે.
રિપોર્ટર – યેશા શાહ(ખેડા)
Filed under
Gujarat
