ભારત સરકારે સીરિયા માટે ટ્રાવેલ એડવાઈઝરી જારી કરીને ભારતીય નાગરિકોને આગામી આદેશો સુધી દેશની મુસાફરી ટાળવાની સલાહ આપવામાં આવી છે. આ ચેતવણી સીરિયાની વર્તમાન પરિસ્થિતિને ધ્યાનમાં રાખીને આવી છે, જે પ્રવાસીઓ માટે જોખમી છે. વિદેશ મંત્રાલયે કહ્યું કે સીરિયાની વર્તમાન પરિસ્થિતિને ધ્યાનમાં રાખીને ભારતીય નાગરિકોને સલાહ આપવામાં આવે છે કે તેઓ આગામી આદેશ સુધી સીરિયાની મુસાફરી ટાળે.
વિદેશ મંત્રાલયે જણાવ્યું કે હાલમાં સીરિયામાં હાજર ભારતીયોને વિનંતી છે કે તેઓ અપડેટ માટે દમાસ્કસમાં ભારતીય દૂતાવાસના ઇમરજન્સી હેલ્પલાઇન નંબર (વોટ્સએપ પર પણ) અને ઈમેલ આઈડી hoc.damascus@mea.gov.in પર સાથે સંપર્કમાં રહે. જેઓ લોકો દેશ છોડીને જઈ શકે છે, તેઓને ઉપલબ્ધ બને તેટલી વહેલી તકે કોમર્શિયલ ફ્લાઈટ્સ દ્વારા નીકળી જવાની સલાહ આપવામાં આવે છે. બાકીના લોકોને અપીલ કરવામાં આવે છે કે તેઓ તેમની સલામતી અંગે ખૂબ કાળજી રાખે અને તેમની પ્રવૃત્તિઓને ન્યૂનતમ સુધી મર્યાદિત રાખે.
ભારતીય નાગરિકોની સુરક્ષા
વિદેશ મંત્રાલયે કહ્યું કે ભારતે સીરિયામાં હિંસાની વૃદ્ધિ પર ધ્યાન આપ્યું છે અને ત્યાં ભારતીય નાગરિકોની સુરક્ષાને ધ્યાનમાં રાખી છે. વિદેશ મંત્રાલયના પ્રવક્તા રણધીર જયસ્વાલે કહ્યું કે સીરિયામાં લગભગ 90 ભારતીય નાગરિકો છે, જેમાંથી 14 યુએનની વિવિધ સંસ્થાઓમાં કામ કરી રહ્યા છે.
Advisory for Indian Nationals in Syria pic.twitter.com/GLxZ8WwWgD
— India in Syria (@eoidamascus) December 6, 2024
રણધીર જયસ્વાલે કહ્યું કે અમે સીરિયાના ઉત્તરમાં લડાઈમાં તાજેતરમાં થયેલા વધારા પર ધ્યાન આપ્યું છે. અમે સ્થિતિ પર નજીકથી નજર રાખી રહ્યા છીએ. સીરિયામાં લગભગ 90 ભારતીય નાગરિકો છે, જેમાંથી 14 યુએનની વિવિધ સંસ્થાઓમાં કામ કરી રહ્યા છે. અમારું ધ્યેય આપણા નાગરિકોની સુરક્ષા અને સલામતી માટે તેમના નજીકના સંપર્કમાં રહેવાનું છે.
સીરિયન બળવાખોરો દ્વારા હિંસક ગુન્લાથી એક ગૃહયુદ્ધ ફરી ઉભું થયું છે, જે વષોથી ઘણા અંશે નિષ્ક્રિય હતું. નોંધપાત્ર રીતે, 2020 થી ફ્રન્ટ લાઇન ઘણા અંશે યથાવત રહી છે, બળવાખોર જૂથો મોટાભાગે ઇદલિબ પ્રાંતના એક નાના ભાગ સુધી જ મર્યાદિત છે. શુક્રવારે રાત્રે સેંકડો લોકો મધ્ય સીરિયન શહેર હોમ્સમાંથી ભાગી ગયા, કારણ કે શાસન વિરોધી બળવાખોરો રાજધાની દમાસ્કસ તરફ દક્ષિણ તરફ આગળ વધી રહ્યા છે.
વિરોધ પ્રદર્શનોને દબાવવાનો પ્રયાસ
ગુરુવારે ઉત્તરમાં હમા શહેર પર કબજો કર્યા પછી, બળવાખોરોએ તેમની નજર હોમ્સ પર સેટ કરી દીધી, જેના પર જો કબજો કરી લીધો, તો રાષ્ટ્રપતિ બશર અલ-અસદના નિયંત્રણ હેઠળના વિસ્તાર બે ભાગોમાં વિભાજિત થઈ જશે. સંઘર્ષ 2011 માં શરૂ થયો, જ્યારે અસદે આરબ સ્પ્રિંગ દરમિયાન શાંતિપૂર્ણ લોકશાહી સમર્થક વિરોધ પ્રદર્શનોને દબાવવાનો પ્રયાસ કર્યો. અમ્હીતી અનુસાર, યુનાઇટેડ નેશન્સ અનુસાર દાયકાથી ચાલી રહેલ યુદ્ધમાં 300,000 થી વધુ નાગરિકો માર્યા ગયા છે અને સમગ્ર પ્રદેશમાં લાખો લોકો વિસ્થાપિત થયા છે.
