ઇન્ડિયન સ્પેસ રિસર્ચ ઓર્ગેનાઇઝેશન (ISRO)એ આ વર્ષનું અંતિમ મિશન Spadexને લોન્ચ કરી દીધું છે. ઇસરોએ તેના વધુ એક ઐતિહાસિક મિશનને સાકાર કરી દીધું છે. ISRO દ્વારા આપવામાં આવેલી માહિતી અનુસાર, SpaDeXનું PSLV ચારેય તબક્કા સફળતાપૂર્વક પસાર કર્યા બાદ આગળ વધી રહ્યું છે. પ્રાથમિક સ્પેડેક્સ અવકાશયાન ‘A’ અને ‘B’ ઓનબોર્ડ PSLV-C60 સફળતાપૂર્વક અલગ થયા.
#WATCH | PSLV-C60 successfully launches SpaDeX and 24 payloads.
Indian Space Research Organisation (ISRO) launches PSLV-C60 with SpaDeX and innovative payloads from Sriharikota, Andhra Pradesh.
(Source: ISRO) pic.twitter.com/xq1fTogHGk
— ANI (@ANI) December 30, 2024
મિશનના સફળ પ્રક્ષેપણથી રચ્યો નવો ઈતિહાસ
આ મિશનના સફળ પ્રક્ષેપણ સાથે ઈસરોએ વધુ એક નવો ઈતિહાસ લખ્યો છે. આ મિશનને અવકાશનો સૌથી મોટો પ્રયોગ માનવામાં આવે છે. નોંધનીય છે કે આ મિશન માટે 24 પેલોડ્સનો ઉપયોગ કરવામાં આવ્યો હતો, જેમાંથી 14 ISRO સંશોધન કેન્દ્રના છે, જ્યારે 10 ખાનગી યુનિવર્સિટીઓ અને સ્ટાર્ટઅપ્સના છે, જે અવકાશ ક્ષેત્રમાં નવીનતા અને સહકારને પ્રોત્સાહન આપવા માટે મિશનની ભૂમિકાને દર્શાવે છે .
મિશનના લોન્ચના સમયમાં થોડો ફેરફાર
ઈસરોએ મિશનના લોન્ચના સમયમાં થોડો ફેરફાર કર્યો હતો, તેને મૂળ 9:58 વાગ્યાના નિર્ધારિત સમયને બદલે રાત્રે 10 વાગ્યે લોન્ચ કર્યું હતું. જોકે, આ ફેરબદલ પાછળ કોઈ ચોક્કસ કારણ આપવામાં આવ્યું નથી. ISROના એક અધિકારીએ જણાવ્યું હતું કે પ્રક્ષેપણની તૈયારીઓ રવિવારે રાત્રે 9 વાગ્યાથી શરૂ થતા 25 કલાકના કાઉન્ટડાઉન સાથે સમયસર પૂર્ણ કરવામાં આવી હતી.
#WATCH | Indian Space Research Organisation (ISRO) launches PSLV-C60 with SpaDeX and innovative payloads from Sriharikota, Andhra Pradesh. First stage performance normal
SpaDeX mission is a cost-effective technology demonstrator mission for the demonstration of in-space docking… pic.twitter.com/ctPNQh4IUO
— ANI (@ANI) December 30, 2024
ISRO દુર્લભ સિદ્ધિ હાંસલ કરશે
લોન્ચની જાહેરાત કરતા, ISROએ જણાવ્યું હતું કે, “SpaDeX એ ભારતની ઓર્બિટલ ડોકીંગ ક્ષમતા સ્થાપિત કરવા માટેનું એક મહત્વાકાંક્ષી મિશન છે, જે ભવિષ્યના માનવસહિત અવકાશ મિશન અને સેટેલાઇટ સેવાઓ માટે અત્યંત મહત્વપૂર્ણ હશે. આ મિશનથી ઇસરો અવકાશમાં બે ઉપગ્રહને ડોક કરવાની અથવા મર્જ કરવાની દુર્લભ સિદ્ધિ હાંસલ કરશે.
