કર્ણાટકની સિદ્ધારમૈયા સરકારનું કેબિનેટ વિસ્તરણ આજે થશે. સુત્રોમાંથી મળતી માહિતી મુજબ કોંગ્રેસ હાઈકમાન્ડે મંત્રી બનાવવાના નેતાઓના નામોની મંજૂરી આપી દીધી છે. આજે નેતાઓ મંત્રી તરીકે શપથ લેશે. શપથ ગ્રહણ સમારોહ આજે સવારે 11.45 કલાકે રાજભવન ખાતે યોજાશે.
કોંગ્રેસ હાઈકમાન્ડે ફરી એકવાર રાજ્યમાં સત્તા સમીકરણ, જિલ્લા અને જ્ઞાતિના સમીકરણોને ધ્યાનમાં રાખીને ધારાસભ્યોની પસંદગી કરી છે. ધારાસભ્યોના નામની આગળ તેમની જાતિ પણ લખવામાં આવે છે. સીએમ સિદ્ધારમૈયા અને ડેપ્યુટી સીએમ ડીકે શિવકુમાર અને પાર્ટીના કેન્દ્રીય નેતાઓ વચ્ચે દિલ્હીમાં યોજાયેલી બેઠકમાં નામો ફાઈનલ કરવામાં આવ્યા છે. આ અગાઉ 20 મેના રોજ સિદ્ધારમૈયાએ મુખ્યમંત્રી તરીકે અને પ્રદેશ કોંગ્રેસ અધ્યક્ષ ડીકે શિવકુમારને નાયબ મુખ્યમંત્રી તરીકે શપથ લીધા હતા. આ સાથે કોંગ્રેસ અધ્યક્ષ મલ્લિકાર્જુન ખડગેના પુત્ર પ્રિયંક ખડગે સહિત આઠ ધારાસભ્યોએ પણ મંત્રી તરીકે શપથ લીધા.
કોંગ્રેસ મહાસચિવ કેસી વેણુગોપાલ દ્વારા કેબિનેટને લઈને સીએમ સિદ્ધારમૈયાને લખેલો પત્ર સામે આવ્યો છે. જેમાં કોંગ્રેસ અધ્યક્ષ મલ્લિકાર્જુન ખડગેની મંજૂરી હોવાનું જણાવવામાં આવ્યું છે. કેબિનેટની યાદીમાં ભાવિ મંત્રીઓની જાતિનો પણ ઉલ્લેખ કરવામાં આવ્યો છે.
List of 24 Congress MLAs who are expected to take oath as the ministers in the Karnataka cabinet, on 27th May#KarnatakaCabinet pic.twitter.com/Cnzf7yP3HB
— ANI (@ANI) May 26, 2023
કોંગ્રેસમાં આજે શપથ લેવાનાર ધારાસભ્યોમાં સૌથી વધુ 6 ધારાસભ્યો લિંગાયત સમુદાયના છે જ્યારે 4 ધારાસભ્યો વોક્કાલિગા સમુદાયના છે. આ ઉપરાંત 5 એસસી અને એસટી ધારાસભ્યોને પદના શપથ લેવડાવવામાં આવશે. આ સાથે પછાત સમુદાયના 5 ધારાસભ્યો મંત્રી તરીકે શપથ લેશે. આ સિવાય એક મુસ્લિમ, એક બ્રાહ્મણ, એક નામધારી રેડ્ડી અને એક જૈન ધારાસભ્ય પણ મંત્રી બનશે. કર્ણાટકમાં સૌથી વધુ 34 મંત્રીઓ બની શકે છે. આ કેબિનેટ વિસ્તરણ સાથે મંત્રીઓની સંખ્યા 34 થઈ જશે.
