રાજ્યના મુખ્ય પ્રધાન ભૂપેન્દ્ર પટેલ દ્વારા રાજકોટ શહેર-જિલ્લામાં થયેલા રૂ. 343.39 કરોડના 13 વિકાસ કામોનાં લોકાર્પણ તથા રૂ. 213.79 કરોડના 28 વિકાસ કામોનાં ખાતમુહૂર્ત કરવામાં આવ્યા હતા. આમ શહેર-જિલ્લાને કુલ રૂપિયા 557.18 કરોડના વિકાસ પ્રકલ્પોની ભેટ મળી હતી. રાજકોટના પ્રમુખસ્વામી ઓડિટોરિયમ ખાતે સાંજે યોજાયેલા લોકાર્પણ-ખાતમુહૂર્તનો કાર્યક્રમમાં જળસંપત્તિ પ્રધાન કુંવરજીભાઈ બાવળીયા, મેયર નયનાબેન પેઢડિયા, જિલ્લા પંચાયત પ્રમુખ પ્રવિણાબેન રંગાણી, સાંસદ પરશોત્તમ રૂપાલા, રામભાઈ મોકરિયા, કેસરીદેવસિંહ ઝાલા, તમામ ધારાસભ્યો ઉપસ્થિત રહ્યા હતા.
મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે રાજકોટ જિલ્લા અને મહાનગરપાલિકામાં અદ્યતન આર્ટ ગેલેરી, જસદણ ખાતે સ્પોર્ટ્સ સંકૂલ તેમજ GETCO, GWSSB, માર્ગ-મકાન વિભાગ સહિતના કુલ ₹557 કરોડથી વધુના 41 પ્રકલ્પોના લોકાર્પણ અને ખાતમુહૂર્ત રાજ્યના મંત્રી શ્રી કુંવરજીભાઈ બાવળીયા તથા અન્ય… pic.twitter.com/2WWaspNNF7
— CMO Gujarat (@CMOGuj) June 6, 2025
રાજકોટ મહાનગરપાલિકાના રૂ. 56.42 કરોડના વિવિધ વિકાસ પ્રકલ્પોનું લોકાર્પણ-ખાતમુહૂર્ત કરવામાં આવ્યું હતું. રૂ. 5.90 કરોડના ખર્ચે રેસકોર્સ સંકુલમાં નવનિર્મિત ‘ડૉ.શ્યામાપ્રસાદ મુખર્જી આર્ટ ગેલેરી તેમજ એક્ઝિબિશન હોલ’નું લોકાર્પણ તથા રૂ. 50.51 કરોડના જુદા જુદા 17 પ્રકલ્પોનું ખાતમુહૂર્ત કરવામાં આવ્યું હતું.
ભૂપેન્દ્ર પટેલના હસ્તે રાજકોટ જિલ્લાના 6 રસ્તાઓ અને 2 પુલના ખાતમુહૂર્ત અને ખીરસરાથી લોધિકા સુધીના રસ્તાનું લોકાર્પણ કરવામાં આવ્યું હતું. રાજકોટ જિલ્લાને આર્થિક, સામાજિક અને આંતરમાળખાકીય રીતે વધુ મજબૂત બનાવવા મુખ્યપ્રધાનના હસ્તે માર્ગ મકાન વિભાગ હસ્તકના રૂ.112 કરોડથી વધુના ખર્ચે નિર્માણ પામનાર 5 રોડ અને 2 પુલનું ખાતમુહૂર્ત તથા 1 રોડનું લોકાર્પણ કરવામાં આવ્યું છે. જ્યારે રૂડા હેઠળના તરઘડીથી બાઘી ગામ સુધીના ગાડા માર્ગને આધુનિક રસ્તો બનાવવાના રૂ. 6 કરોડથી વધુના કામનો પણ મુખ્યપ્રધાનના હસ્તે શુભારંભ કરવામાં આવ્યો હતો.
