આજે સવારે થાણેના મુમ્બ્રા રેલવે સ્ટેશન પર લગભગ 9 મુસાફર લોકલ ટ્રેનમાંથી નીચે પડી ગયા. જેમાં 8 પુરુષો અને 1 મહિલા સામેલ છે. તેમાં 4નાં મોત થયાં હોવાનું જાણવા મળે છે. 5 ઘાયલ થયા છે. બધા મુસાફરો ટ્રેનના ગેટ પર બેઠા હતા, જ્યાંથી તેઓ નીચે પડી ગયા. રેલવે વિભાગ આ મામલાની તપાસ કરી રહી છે.
આ ઘટના સવારે 9:30 વાગ્યે કસારા-CSMT લોકલ ટ્રેનમાં બની હતી. સવારે ઓફિસ જતી વખતે ભારે ભીડને કારણે આ દુર્ઘટના થઈ હતી. ઘાયલોને તાત્કાલિક નજીકની હોસ્પિટલમાં લઈ જવામાં આવ્યા હતા.
રેલવે પ્રશાસન અને પોલીસ ઘટનાસ્થળે પહોંચી ગયા છે. અકસ્માતની તપાસ શરૂ કરી દેવામાં આવી છે. ઘટનાને કારણે લોકલ ટ્રેન સેવાઓને પણ અસર થઈ છે.
महाराष्ट्र | ठाणे के मुंब्रा रेलवे स्टेशन पर CSMT की ओर जा रहे कुछ यात्री ट्रेन से गिर गए। दुर्घटना का कारण ट्रेन में अत्यधिक भीड़ माना जा रहा है। रेलवे प्रशासन और पुलिस मौके पर पहुंच गई है। घायलों को तुरंत नजदीकी अस्पताल ले जाया जा रहा है। दुर्घटना की जांच शुरू हो गई है। घटना से… pic.twitter.com/s4ydlJ5Vvl
— ANI_HindiNews (@AHindinews) June 9, 2025
રેલવે અધિકારીઓએ જણાવ્યું- અકસ્માત મુમ્બ્રા અને દિવા સ્ટેશનો વચ્ચે થયો
મુમ્બ્રા રેલવે અકસ્માત અંગે, સેન્ટ્રલ રેલવેના સીપીઆરઓ સ્વપ્નિલ ધનરાજ નીલાએ જણાવ્યું હતું કે, ‘આ અકસ્માત મુમ્બ્રા અને દિવા સ્ટેશનો વચ્ચે ડાઉન/ફાસ્ટ લાઇન પર થયો હતો.’
કસારા જતી મુંબઈ ટ્રેનના ગાર્ડે જણાવ્યું હતું કે મુંબઈ સ્ટેશન નજીક કેટલાક મુસાફરો ટ્રેનમાંથી નીચે પડી ગયા હતા. મૃતકોની ઓળખ કરવામાં આવી રહી છે. બધા મૃતકો 30થી 35 વર્ષની વયના છે.
