અદાણી પાવર લિમિટેડ, જે ખાનગી ક્ષેત્રની સૌથી મોટી થર્મલ પાવર ઉત્પાદક કંપની છે, તેને બિહાર સ્ટેટ પાવર જનરેશન કંપની લિમિટેડ (BSPGCL) તરફથી 25 વર્ષ માટે વિજળી આપૂર્તિ કરવાનો મહત્વપૂર્ણ કરાર મળ્યો છે. આ કરાર મુજબ અદાણી પાવર ભાગલપુર જિલ્લાના પીરપૈંતીમાં ઉભા થનારા 2400 મેગાવૉટના અલ્ટ્રા સુપરક્રિટિકલ થર્મલ પાવર પ્લાન્ટ દ્વારા બિહારને સતત વીજળી પૂરું પાડશે. ઉત્તર બિહાર અને દક્ષિણ બિહાર વિતરણ કંપનીઓ દ્વારા આપવામાં આવેલા આ લેટર ઑફ એવૉર્ડ બાદ ટૂંક સમયમાં પાવર સપ્લાય એગ્રીમેન્ટ પર હસ્તાક્ષર કરવામાં આવશે. આ પ્રોજેક્ટ અદાણી પાવર માટે એક મોટી સિદ્ધિ ગણાય છે, કારણ કે કંપનીએ ટેરિફ આધારિત સ્પર્ધાત્મક બિડિંગ પ્રક્રિયામાં ₹6.075 પ્રતિ કિલોવૉટ કલાકની ન્યૂનતમ દરે પ્રોજેક્ટ મેળવ્યો છે. અંદાજ મુજબ આ પ્લાન્ટ અને તેના સંબંધિત ઇન્ફ્રાસ્ટ્રક્ચર પર લગભગ 3 અબજ અમેરિકી ડૉલરનું રોકાણ થશે, જે બિહારની ઊર્જા ક્ષેત્રની આવશ્યકતાઓને પૂરી પાડવામાં એક મહત્વપૂર્ણ પગલું સાબિત થશે.
अडानी पावर लिमिटेड को बिहार में 2,400 मेगावाट थर्मल पावर प्रोजेक्ट के लिए बीएसपीजीसीएल से 25 साल का अवार्ड पत्र प्राप्त हुआ, जिसमें ~3 बिलियन डॉलर (~24,000 करोड़ रुपये) का निवेश शामिल है। इससे दीर्घकालिक बिजली खरीद सुनिश्चित हुई।#AdaniPower #Bihar #ThermalPower… pic.twitter.com/S7lenoaTNw
— One India News (@oneindianewscom) August 29, 2025
અદાણી પાવરના CEO એસ. બી. ખ્યાલિયાએ આ કરાર અંગે વાત કરતાં જણાવ્યું કે પીરપૈંતી થર્મલ પાવર પ્રોજેક્ટ બિહારને માત્ર સતત જ નહીં, પરંતુ પરવડે તેવી કિંમતે વીજળી આપશે. તેમના અનુસાર આ પ્રોજેક્ટથી રાજ્યના ઉદ્યોગોને નવી ગતિ મળશે, ઉત્પાદન ક્ષમતા વધશે અને રોજગાર સર્જાશે. નિર્માણ દરમિયાન આશરે 10 થી 12 હજાર લોકોને રોજગારી મળશે, જ્યારે પ્રોજેક્ટ શરૂ થયા બાદ તેના સંચાલનમાં લગભગ 3 હજાર લોકોને કાયમી રોજગાર મળશે. આ રીતે પ્રોજેક્ટ માત્ર વીજળી પૂરું પાડવાનો જ નહીં, પરંતુ સામાજિક અને આર્થિક વિકાસનો મોટો સાધન પણ બનશે.
આ પ્રોજેક્ટનું મહત્વ એથી પણ વધી જાય છે કે ભારતની વીજળીની માંગ ઝડપથી વધી રહી છે. હાલ દેશની કુલ વીજળી માંગ 250 ગીગાવૉટ છે, જે 2031-32 સુધી 400 ગીગાવૉટ અને 2047 સુધી 700 ગીગાવૉટ સુધી પહોંચી જવાની ધારણા છે. વધતી માંગને પહોંચી વળવા માટે ભારત સરકારે 2035 સુધીમાં 100 ગીગાવૉટ નવી થર્મલ પાવર ક્ષમતા ઉમેરવાનો નિર્ણય લીધો છે. આ પરિસ્થિતિમાં અદાણી પાવરનું આ પીરપૈંતી પ્રોજેક્ટ બિહાર સહિત સમગ્ર પૂર્વી ભારત માટે ઊર્જા સુરક્ષા મજબૂત કરવાની દિશામાં ઐતિહાસિક પગલું સાબિત થઈ શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
